१६ साउन, वीरगञ्ज । कोरोना संक्रमणबाट वीरगञ्जमा गए राति थप एक व्यक्तिको मृत्यु भएको छ । मृत्यु हुनेमा जगदम्बा इन्टर प्राइजेजका प्रमुख कार्यकारी अधिकृत ५६ वर्षीय पुरुष रहेको नारायणी अस्पतालले जनाएको छ ।
साउन ६ गते उनलाई कोरोना संक्रमण पुष्टी भए पछि साउन ७ गते थप उपचारका लागी वीरगञ्जमा रहेको गण्डक अस्पतालमा भर्ना गरिएको थियो । अस्थायी कोरोनो विशेष अस्पताल गण्डकमा भर्ना भएका जगदम्बा इन्टरप्राइजेजका प्रमुख कार्यकारी अधिकृत भारतीय नागररिक थिए । मुटुको बिरामी रहेका उनको हिजो बाट स्वास्थ्य अवस्था बिग्रदै गएको थियो । ‘मुटुको रोगी हुनुहुन्थ्यो, कोभिड लागेपछि अवस्था गम्भिर नै थियो,’ डा. उपाध्यायले भने, ‘आईसीयु र भेन्टिलेटरमा समेत राखेर उपचार ग¥यौं तर बचाउन सकिएन ।’
बिहिवार बाटै स्वास्थ्यमा समस्या देखिन थाले पछि उनको भेल्टीनेटरमा राखेर उपचार भइरहेको थियो । लगातार रुपमा शरिरमा अक्सीजनको मात्रा कम हुँदै गए पछि उनको गए राति ११ बजे निधन भएको अस्थायी कोरोना अस्पताल गण्डकले जनाएको छ ।
बिहीबार मात्रै पर्सामा कोरोना संक्रमणका कारण दुई जनाको मृत्यु भएको थियो । वीरगञ्ज–१६ नगवाका ३५ बर्षीय पुरुषको गण्डक कोरोना अस्पतालमा उपचारका क्रममा निधन भएको थियो भने यस्तै वीरगञ्ज–२ छपकैयामा घरमै मृत्यु भएका ६५ बर्षिय पुरुषमा पनि कोरोना संक्रमण पुष्टि भएको थियो ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन