ल्हासा । चिनियाँ सरकारको हेपहा एवं विस्तारबादी सोचबाट तिब्बतलाई अहिले डम्पिङ साइटको रुपमा प्रयोग गरिरहेको देखिन सकिन्छ ।
तिब्बती अधिकारवादीहरुले चीनले तिब्बतलाई फोहोर फाल्ने ठाउँमा परिणत गरेको आरोप लगाएका छन् । चीनका अन्य स्थानमा उत्पादन भएका फोहोरलाई तिब्बतमा फालेर चीनले तिब्बतको पर्यावरणलाई बिगारेको तिब्बती अधिकारवादीहरुको आरोप छ ।
पछिल्लो समय मौसम परिवर्तनका कारण तिब्बतको पर्यावरणमा नकारात्मक असर परिरहेका बेला तिब्बती अधिकारवादीहरुले चीन सरकारले तिब्बतलाई फोहोर फाल्ने ‘डम्पिङ साइट’ बनाएको आरोप लगाएका हुन् ।
तिब्बती पर्यावरणमा क्षति पुगेको तथ्य स्वीकार गर्नुको सट्टा चीन सरकारले जारी गरेको दस्तावेजमा अझ अघि बढ्नका लागि तिब्बतमा पर्यावरणमैत्री र दिगो रुपमा प्रोत्साहित कदम चाल्ने उल्लेख रहेको तिब्बत राइट्स कलेक्टिभ नामक तिब्बती अधिकारवादी संस्थालाई उद्धृत गर्दै भारतीय समाचार संस्था एएनआईले जनाएको छ ।
चीन सरकारले हालैमात्र ‘सन् १९५१ यताको तिब्बत : स्वतन्त्रता, विकास र समृद्धि’ नामक श्वेतपत्र जारी गरेको थियो ।
चीन सरकारद्वारा जारी यस दस्तावेजमा बाँध निर्माण, अन्य पूर्वाधार निर्माणका परियोजना समावेश भएपनि पर्यावरणबारे केबल एक अनुच्छेद मात्रै उल्लेख गरिएको अधिकारवादीको आरोप छ ।
तिब्बती पर्यावरणमा नकारात्मक असर पर्दै जाँदा त्यहँका हिमनदी पग्लिने, नदी सुक्ने, घाँसेमैदानको क्षति, बाढीजस्ता प्रकोप देखा परेको अधिकारवादीले जनाएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन