रौतहट, १५ असार । महिलालाई प्रेमजालमा फसाएर चन्द्रपुर स्थित पराठा एण्ड गेष्ट हाउसमा ल्याएर दुई लाख ९० हजारको सुनको गहना लुटेर फरार रहेका ३६ बर्षिय युवकलाई रौतहट प्रहरीले पक्राउ गरेर कारवाही अगाडी बढाएको छ ।
समाजिक संजालको माध्यमबाट प्रेमजालमा महोत्तरीका एक महिलालाई चन्द्रपुर ४ स्थित चपुर पराठा एण्ड गेष्ट हाउसमा रेडबुल खान दिई बेहोस भएपछि निज महिलाले लगाएको सुनका गरगहनाहरु लुटेर बारा जिल्ला प्रसौनी गाउँपालिका वडा नम्वर ४ खुटवा प्रसौनीका ३६ बर्षिय महमद रफिक रायभटलाई रौतहट प्रहरीले गहन अनुसन्धान पछि मंगलवार समातेर हिरासतमा लिएको जिल्ला प्रहरी कार्यालय रौतहटले जनाएको हो ।
गत बैशाख ५ गते १.३० बजेको समयमा चपुर पराठा एण्ड गेष्ट हाउसमा एक अपरिचित व्यक्तिले महोत्तरी बस्ने महिलाको नाममा कोठा बुक गरेर ल्याएका थिए । ति महिलालाई रेडबुलमा नसाको औषधी मिलाएर खुवाउदा उनी वेहोस भएपछि महिलाले कान, मंगलसुत्र, सुनको तिलहरी, सुनको मुन्द्रा द्ध थान गरेर करिव २ लाख ९० हजार बराबरको गहना लिएर फरार भएको प्रहरी रिपोर्टमा उल्लेख रहेको जिल्ला प्रहरी कार्यालय रौतहटको प्रवक्ता एवं डिएसपी सुनिल मल्लले बताए ।
प्रहरीको गहन अनुसन्धानको क्रममा जिल्ला बारा प्रसौनी गा.पा. वडा नं. ४ खुटवा प्रसौनी बस्ने भाट उक्त देखि घटना घटाई फरार रहेको भनी बुझीन आएकोले पक्राउ गरेर अदालतबाट म्याद थप गराएर आवश्यक अनुन्धान भईरहेको उनले भने ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन