यितेन्द्र शर्मा
भारतका विदेशमन्त्री एस–जयशंकरले आफना इरानी समकक्षी, त्यहाँका विदेशमन्त्री डा.हुसैन अमीर– अब्दोलाहैनसित दुईपक्षीय हितका व्यापार, कनेक्टिभिटी र स्वास्थ लगायतका विविध विषयमा चर्चा गरे । एस–जयशंकरले टवीटर सन्देश मार्फत जारी गरेका विज्ञप्तिमा दुई पक्षीय वार्तामा वैदेशिक तथा क्षेत्रीय हितका विषयमा पनि विचारको आदान प्रदान भएको साथै दुईपक्षीय सहयोगका कार्य प्रगतिका बारेमा पनि चर्चा भएको र रुस–युक्रेन युद्धको बारेमा पनि चर्चा भएको सार्वजनिक गरेका छन् ।
इरानका विदेशमन्त्री अमीर आब्दोलैहनसंग दुई पक्षीय सहयोगका विभिन्न विषयहरु व्यापार, कनेक्टिभिटी र स्वास्थ, जनता जनताबीचको सम्पर्क लगायतका विषयमा चर्चा भएको तथा दुई नेताको समुपस्थितिमा दुईपक्षीय कानुनी सहायता र व्यापारिक विषयहरुमा समेत हस्ताक्षर भएका छन् । इरानी विदेशमन्त्रीलाई नयाँ दिल्लीमा स्वागत गर्न आफु उत्सुक रहेको बताउँदै भारतीय विदेशमन्त्रीले इरान र भारतबीचको घनिष्ट एवं मैत्रीपूर्ण सम्बन्धको पनि चर्चा गर्नुभयो । इरानसित एक महत्वपूर्ण सहयोगी र नजिकको छिमेकी भएको र सनु २०२०–२१ मा दुईपक्षीय सम्बन्ध झन बलियो भएको बताए । एस.जयशंकरले दुई पटक तेहरानको भ्रमण गरी त्यहाँका नेताहरुसित भेटवार्ता गरे । दुवै देशले स्वास्थ्यको क्षेत्रमा निकै सहकार्य गरेका छन् । इरान सरकारको निम्तोमा उनले राष्ट्रपति अयातुल्लाह सैयद इब्राहिम रसिदीको शपथग्रहण समारोहमा पनि सहभागी भएका थिए । उनले इरानका उच्चस्तरीय नेताहरुसित भेटबर्ता गरी दुई पक्षीय हितका धेरै विषयमा चर्चा गर्नुका साथै शाहीद बहेस्टी टर्मिनल र चाबहार बन्दरगाहका बारेमा पनि चर्चा गरे । सन् २०१५ मा इरान र भारतबीच चाबहार बन्दरगाहको विकास एवं स्तरोन्नतिको विषयमा सहमति भएको तथा दश वर्ष सम्म यसको ठेक्का एवं संरक्षण र रेखदेशको जिम्मा भारतले प्राप्त गरेको छ । इरान र भारतबीचको विस्तृत सम्बन्ध प्रगाढ हुदै गएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन