कोलम्बो, २९ असार । श्रीलंकाली राष्ट्रपति गोताबाय राजापाक्ष मध्यरातमा देश छाडेर भागेका छन् । उनी सैनिक जेट चढेर माल्दिभ्स पुगेका छन् । स्थानीय समयअनुसार राति ३ बजे उनी माले बिमानस्थलमा उत्रेको समाचार छ ।
राजापाक्षको पलायनले श्रीलंकाको सत्तामा दशकौंदेखि रहेका पारिवारिक वंशवादको अन्त्य भएको छ । शनिबार ठूलो जनसमुदायले राष्ट्रपति भवन कब्जा गरेयता उनी लुकेर बसिरहेका थिए ।
राजापाक्ष मंगलबार नै दुबई उड्न खोजेको तर विमानस्थलका अध्यागमन कर्मचारीले रोकिदिएको समाचार बाहिरिएको थियो ।
श्रीलंकाली सत्तामा दुई दशक हालिमुहाली गरेको राजापक्ष परिवारले मुलुकलाई इतिहासकै खराब आर्थिक संकटको अवस्थामा पुर्याएको छ । सबै सदस्य महत्त्वपूर्ण पदमा रहेको राजापाक्ष परिवारले झन्डै ५ अर्ब अमेरिकी डलर विदेशी बैंकमा जम्मा गरेका खबर पनि सार्वजनिक भएका छन् ।
गोताबायका भाइ तथा पूर्व अर्थमन्त्री बासिल राजापाक्ष पनि भागेका छन् । उनी चाहिँ अमेरिका हान्निएको खबर छ । राष्ट्रपति भागेसँगै श्रीलंकाली जनताले उत्सव मनाइरहेको बताइएको छ ।
राष्ट्रपतिबाट राजीनामा दिए पक्राउ पर्नसक्ने भएकाले उनी राजीनामा नदिई भागेका हुन् । उनले आज बुधबार राजीनामा दिने आश्वासन दिएका थिए । श्रीलंकाको कानुन अनुसार पदमा बहाल रहेको राष्ट्रपतिलाई पक्राउ र अभियोजन गर्न मिल्दैन ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन