240
Shares
काहिरा । इजिप्टको गिजामा रहेको एक चर्चमा आगलागी हुँदा कम्तीमा ४१ जनाको मृत्यु भएको छ ।
गिजाको कोप्टिक अबु सिफिन चर्चमा पाँच हजार जना एकै साथ प्रार्थना गरिरहेको अवस्थामा इलेक्ट्रिक सर्किटमा आगलागी भएको सुरक्षा स्रोतलाई उदृत गर्दै बीबीसीले जनाएको हो ।
आगलागीका कारण चर्च भित्रका मानिस बाहिर निस्किन नपाएपछि मृत्यु हुनेको संख्या धेरै भएको बताइएको छ । मृत्यु हुनेमा अधिकांश बालबालिका रहेको अन्तर्राष्ट्रिय सञ्चारमाध्यममा उल्लेख छ ।
आगलागीमा परी दर्जनौं घाइते भएका बताइएको छ । अग्नि नियन्त्रकका अनुसार आगलागी अहिले नियन्त्रणमा आइसकेको छ । इजिप्टका राष्ट्रपति अब्देल फताह अल–सिसीले आगलागीमा परेर ज्यान गुमाएका प्रति श्रद्धाञ्जली अपर्ण गरेका छन् ।