निर्माण व्यवसायी संघ रौतहटको नयाँ नेतृत्वका लागि मतदान सुरु

रौतहट, ३० साउन । निर्माण व्यवसायी संघ रौतहटको ७ औं साधारणबाट नयाँ नेतृत्व चयनको लागि सोममार मतदान प्रक्रिया सुरु भएको छ ।
गौर नगरपालिकाको सभाकक्षमा आज विहान ११.३० बजे देखि सुरु भएको मतदान कार्य दिउसो ५ बजे सम्म चल्ने छ । ३१५ जना मतदाता रहेको निर्माण व्यवसायी संघको अध्यक्ष पदका लागि दुई जना उम्मेदवार चुनावी मैदानमा प्रतिष्पर्धामा उत्रिएका छन् ।
कृष्णदेव यादव र धिरेन्द्र सिंह अध्यक्ष पदमा प्रतिष्पर्धामा उत्रिएको बताइएको छ । दुवै जना विच कडा प्रतिष्पर्धा हुने देखिन्छ । मतदाताहरु पंक्तिबद्ध भएर मतदान प्रक्रियामा सहभागी भएका छन् । मतदान प्रक्रिया सकेपछि आजै ५ बजे पछि मतगणना प्रक्रिया प्रारम्भ हुने निर्वाचन अधिकृतले जनाएको छ ।