सप्तरीको सीमा क्षेत्रकाट कटुवा पेस्तोल र गोली बरामद

सप्तरी, ६ भदौं । सप्तरी जिल्लाको राजगढ गाउँपालिका वडा नम्वर २ बननिया बोर्डर क्षेत्रबाट थ्रि फिफ्टी बन्दुक सहित एक राउण्ड गोली सशस्त्र प्रहरीले बरामद गरेको छ ।
सशस्त्र प्रहरीको बेस क्याम्प बननिया पोष्टबाट नेपाल भारत सीमा क्षेत्रमा सरप्राइज चेकजाँच गर्न गस्ती टोली खटिएको अवस्थामा आईतवार साँझ ७ बजेको समयमा दुई जना अपरिचित व्यक्ति भारत तर्फबाट नेपाल प्रवेश गर्दै गरेको अवस्थामा सशस्त्र प्रहरीलाई देख्ना साथ उक्त अबैध हतियार फालेर भारत तर्फ भागेको सशस्त्र प्रहरीको छिन्नमस्ता बाहिनी बर्दीवासले जनाएको हो ।
भारत तर्फ भागेपछि उक्त स्थानमा गएर हेर्दा एक थान थ्रि फिफ्टी कटुवा पेस्तोल र ८ एमएमको गोली एक थान बरामद गरेको जानकारी छिन्नमस्ता बाहिनीपति एवं डिआइजी गणेशबहादुर ठाडा मगरले जानकारी दिए ।
बरामद भएका अबैध कटुवा पेस्तोल सहित ८ एमएमको गोलीलाई आवश्यक कारवाहीको लागि नेपाल प्रहरीको जिम्मामा लगाइएको यस बाहिनीलाई रिपोर्ट प्राप्त भएको उनले स्पष्ट पारे । सीमा क्षेत्रबाट हुने अवाञ्छित गतिविधिलाई निरुत्साहित गर्न सशस्त्र प्रहरी हरहदम तयारी अवस्थामै रहेको हुँदा शंकाष्पद व्यक्तिलार्ह देखिएमा नजिकको वेस क्याम्प वा गणमा खवर गर्न समेत उनले भने ।