भारतीय गोर्खा रेजीमेन्टमा अग्निपथ अन्तर्गत नेपालीको भर्ती जारी रहेने ः एमइए

नयाँ दिल्ली । भारतीय सेनामा रहेका गोर्खा रेजिमेन्टमा नेपालीहरुको भर्ती कार्य जारी रहने जनाइएको छ ।
भारतीय विदेश मन्त्रालयका प्रवक्ता अरिन्दम बागचीले बिहीबार भारतीय सेनाद्धारा भर्खरै सुरु गरिएको अग्निपथ भर्ती योजना अन्तर्गत नेपालबाट गोर्खा सैनिक भर्ती गर्ने कार्यलाई निरन्तरता दिने बताएको हो ।
“हामीले लामो समयदेखि गोर्खा सिपाहीहरू भर्ती गर्दै आएका छौँ र यसलाई निरन्तरता दिन तत्पर छौं,” प्रवक्ता बागचीले भने । नेपालले पुरानो अभ्यासलाई लिएर आशंका गरिरहँदा यस्तो टिप्पणी आएको हो ।