215
Shares
काठमाडौं, १५ भदौं । भारतीय स्थल सेनाध्यक्ष जनरल मनोज पाण्डे भदौं १९ गते पाँच दिवसिय भ्रमण शिलशिलामा नेपाल आउने भएका छन् ।
पाँच दिवसीय भ्रमणको क्रममा जनरल पाण्डेले सैनिक मञ्च टुँडिखेल स्थित वीर स्मारकमा श्रद्धाञ्जली अर्पण, जङ्गी अड्डामा सम्मान गारत निरीक्षण, प्रधान सेनापति प्रभुराम शर्मा सँग भेटघाट एवम् छलफल, भारतीय सेनाको तर्फबाट नेपाली सेनालाई सहयोग स्वरूप प्रदान हुने विविध सामग्रीहरूको हस्तान्तरण कार्यक्रम लगायत कमाण्ड तथा स्टाफ कलेजका शिक्षार्थीहरु सँग अन्तरक्रिया र मध्य कमाण्ड हेडक्वार्टरको भ्रमण गर्ने कार्यक्रम रहेको नेपाली सेनाले जानकारी दिएका हुन् ।
भ्रमणको मुख्य उद्देश्य चाँही जनरल पाण्डेलाई नेपाली सेना र भारतीय सेना बीचको परम्परा अनुसार राष्ट्रपति विद्यादेवी भण्डारीले एक विशेष समारोहका बीच नेपाली सेनाको मानार्थ महारथी दर्जा प्रदान गर्ने छिन् । साथै, उनले आफ्नो भ्रमणको दौरान प्रधानमन्त्री एवं रक्षामन्त्री शेरबहादुर देउवासँग औपचारिक भेटघाट गर्ने कार्यक्रम समेत रहेको छ ।
