काठमाडौं, १६ भदौं । इण्डो नेपाल करिडोर रेमिट्यान्स प्रवद्र्धन गर्ने उद्देश्यका साथ मुथुट फिनकर्प र आईएमई बीच सम्झौता भएको छ ।
भारतमा बसोबास गर्दै आएका नेपाली समुदायको घरदैलोमा सेवा प्रदान गर्ने पुनित उद्देश्यबाट मुथुट फिनकर्प र आईएमई बीच सम्झौता भएको आइएमई पानी पोखरी काठमाडौंले जनाएको हो ।
भारतमा बुधवार आयोजित कार्यक्रममा मुथुट फिनकर्पका अध्यक्ष एवं प्रबन्ध निर्देशक थोमस जोन मुथुट र आइएमई ग्रुपका सिनियर भाइस प्रेसिडेन्ट सुमन पोखरेल सहित आइएमईका प्रमुख कार्यकारी अधिकृत खिलेन्द्र पौडेल लगायत अन्य वरिष्ठ अधिकारीहरुको उपस्थितिमा उक्त सम्झौता भएको बताइएको छ । सम्झौता पत्रमा मुथुट फिनकर्प लिमिटेडका तर्फबाट सीईओ साजी वर्गीस र आइएमईका तर्फबाट गौतम नैथानीले हस्ताक्षर गरेको जनाइएका छन् ।
सो अवसरमा मुथुट फिनकर्प लिमिटेडका सीईओ साजी वर्गीसले हाम्रा ३६०० शाखाहरू मार्फत भारतमा बसोबास गर्ने र आम्दानी गर्ने नेपाली समुदायलाई उनीहरूको घरदैलोमा सेवा प्रदान गर्ने यो एउटा विस्तारित कदम भएको विश्वास व्यक्त गरे । कार्यक्रमलाई सम्बोधन गर्दै आइएमई ग्रुपका सिनियर भाइस प्रेसिडेन्ट सुमन पोखरेलले मुथुट फिनकर्प सँगको सहकार्यले इण्डियामा आइएमईको पहुँच विस्तार भएको स्पष्ट पारे । आइएमईका प्रमुख कार्यकारी अधिकृत खिलेन्द्र पौडेलले मुथुट फिनकर्प सँगको सहकार्य इण्डो नेपाल रेमिटेन्स सेवा विस्तारका लागि महत्वपूर्ण हुने धारणा राखे ।
यस अवसरमा आइएमईका गौतम नैथानीले मुथुट फिनकर्प लिमिटेड सँग हात मिलाउँदा इन्डो–नेपाल रेमिटेन्स सेवामा अर्को कोसेढुङ्गा थपिनेछ जहाँ ग्राहकहरूले दुवै कम्पनीको फराकिलो नेटवर्कबाट फाइदा लिन सक्नेछन । यो साझेदारीले आफ्नो मेहनतको कमाइ नेपालमा रहेका परिवारहरूलाई घर फर्काउनको लागि भरपर्दो र सुरक्षित प्लेटफर्म भएको बताए ।
नेपाली आप्रवासीहरूले मुथुट फिनकर्प लिमिटेडको ३६०० भन्दा बढी शाखाहरू मध्ये कुनै पनि शाखाबाट नेपालमा रहेका आफ्ना परिवारलाई तत्काल पैसा पठाउन सक्नेछन । विशेष गरी नेपालको लागि, विप्रेषण आप्रवाह सन् २००२ देखि बढेको छ र हाल आप्रवाह हुँदै आएको रेमिटेन्सले नेपालको राष्ट्रिय ग्राहस्थ उत्पादनको औषतमा लगभग २३% योगदान गर्दछ । नेपालले पाएको कुल रेमिट्यान्सको १५ प्रतिशत भारतबाट आएको अनुमान गरिएको छ ।
हरेक वर्ष धेरै नेपालीहरू मौसमी बसाइँसराइ, पार्टटाइम जागिर र सरकारी जागिर लगायत विभिन्न पेशाका लागि भारत जाने गर्छन् । आइएमई सन् २००१ देखि रेमिटेन्स व्यवसायमा लागिरहेको छ । यो सुविधाबाट ५० लाख नेपाली आप्रवासी लाभान्वित हुने अपेक्षा गरिएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन