राधेश्याम कुशवाहा
सर्लाही, २३ भदौं । चन्द्रनगर गाँउपालिका अध्यक्ष राजकुमार महतोद्धारा विद्यालय अनुगमन कार्य तिव्र, अनुपस्थित रहने शिक्षक र कर्मचारीको हाजिरी रजिष्टरमा लगाएर रातो कलम ।
चन्द्रनगर गापा वडा नम्वर ५ मोहनपुर गाउँमा रहेको अरनिको आधारभुत विधालयमा छडके अनुगमन गर्दै अनुपस्थित रहेका शिक्षक र कर्मचारीको हाजिरीमा रातो कलम लगाएको हो ।
विद्यालयमा केही शिक्षकहरु नियमित रुपमा अनुपस्थित हुने गरेको र विद्यालयमा कहिलेकाही आएर अनुपस्थित रहेको दिनका पनि हाजिरी गर्ने गरेको गुनासो अभिभावकहरुले गरेपछि आज अपरान्ह गाउँपालिका अध्यक्ष महतो आफै स्थलगत अनुगमन गरी छडके गरेको छ ।
विद्यालयमा अनुपस्थित रहेर पनि हाजिरी गरेको तथा छडकेको दिन पनि अनुपस्थित रहेका शिक्षकको बारेमा विद्यालयको प्रधानाध्यापक, अन्य शिक्षकहरु तथा स्थानीय अगुवाहरु सित छलफल गरी र उहांले पनि मौखिक रुपमा रुजु गरे पछि अध्यक्ष महतोले विद्यालयको कर्मचारी रजिष्टरमा अनुपस्थित दिनमा रातो कलम लगाए ।
उक्त दिनहरुको नियमानुसार तलब कटा गर्न गाउँपालिकाका प्रमुख प्रशासकिय अधिकृत तथा लेखापाललाई अध्यक्षले जानकारी गराए । उक्त विद्यालयमा विधार्थीहरुलाई टिफिन सम्म मात्र अध्यापन गराउने गरेको परिपाटीले गर्दा विद्यार्थीहरु टिफिन पश्चात विद्यालय नआउने गरेको विगत दई वर्ष देखि यस्तै आवस्थामा रहेको विद्यालयका शिक्षकहरु तथा कार्यालय सहायक र स्थानीय अभिभावकहरुले गाउँपालिका अध्यक्ष समक्ष गुनासो गरेको थियो ।
विद्यालयको पढाई लेखाई र सिकाईको अवस्था निकै दयनिय अवस्थामा रहेको त्यहांका अभिभावक तथा केही कर्मचारीहरुले गुनासो गरे । स्थानीय जनगुनासोलाई मध्यनजर गर्दै भोली देखि नै पुर्ण समय सम्म विद्यार्थीमा अध्यापन गराउनुपर्ने निर्देशन अध्यक्ष महतोले दिए । साथै विद्यालयका विभिन्न कमजोर पक्षहरुलाई सुधार गरी शिक्षाको गुणस्तरमा उल्लेखनीय सुधार गर्न शिक्षक, विद्यालय व्यवस्थापन समिती, वडा समिती, गाउँपालिका, अभिभावक तथा स्थानीय युवा बुुद्धिजिवीले आ आफनो जिम्मेवारी गम्भिरतापुर्वक निर्वाह गर्न अध्यक्ष महतोले आग्रह गरे ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन