प्रेमचन्द्र झा
गरुडा (रौतहट), २६ भदौ । मिटर ब्याजी तथा ठगी विरुद्ध किसान मजदुर संघर्ष समिति जिल्ला समिति रौतहटले स्थानीय प्रशासन संग मिटरब्याजी पिडितलाई उचित न्याय दिलाई उठिबास हुनबाट जोगाउन आग्रह गरिएको छ ।
मिटर ब्याजी तथा ठगी विरुद्ध किसान मजदुर संघर्ष समिति जिल्ला समिति रौतहटद्धारा गरुडामा आयोजित पत्रकार सम्मेलनलाई सम्बोधन गर्दै मिटर ब्याजी तथा ठगी विरुद्ध किसान मजदुर संधर्ष समिति केन्द्रीय समितिका सदस्य निर्ग नविनले जिल्ला प्रकासन कार्यालयमा परेको उजुरीको आधारमा त्यास्ता कार्यमा संलग्न धनीलाई समातेर आवश्वयक कारवाही गरेर मिटरब्याजीको चंगुलबाट पिडितहरुलाई जोगाएर उठिबास हुनबाट जोगाउन उनले आग्रह गरेको हो ।
पत्रकार सम्मेलनमा मिटर ब्याजी पिडितलाई सहयोग गर्न आग्रह गर्दै जनता समाजवादी पार्टी नेपालका नेता राजकुमार दास, राजनितिक अभियन्ता झरना आचार्यले मिटर ब्याजीको समस्या आजकल सामाजिक विकृतिको रुपमा स्थापित भएको हुँदा राज्यको गम्भीर ध्यानाकर्षण गरी समस्या सामाधानको पक्षमा भुमिका खेलीदिनु हुन अनुरोध गरे ।
मिटर ब्याजी तथा ठगी विरुद्ध किसान मजदुर संधर्ष समिति जिल्ला समिति रौतहटका संयोजक शिव शंकर महतोको अध्यक्षतामा भएको पत्रकार सम्मेलनमा नेपाल पत्रकार महासंघ रौतहटका अध्यक्ष प्रेमचन्द्र झा, उपाध्यक्ष प्रविण कुमार शर्मा सहितका सञ्चारकर्मीको सहभागीता रहेको थियो ।
सो सम्मेलनमा जिल्लामा २ सय जना भन्दा वढि व्यक्तिले मिटर ब्याजीको बिरुद्वमा उजुरी दिईएको जानकारी गराइयो । प्रमुख जिल्ला अधिकारी कृष्णबहादुर शाहीलाई कारवाही चलाउन अनुरोध समेत गरेका छन ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन