विश्वमै नेपाल भारत बीचको सम्बन्ध अद्वतीय रहेको छ । आदी काल देखि दुबै देशको भौगोलीक, साँस्कृतिक, धार्मिक, लगायतको विभिन्न विविधिताले भरिएको सम्बन्ध विश्व समुदायको लागि आदर्शको रुपमा रहेको हो ।
त्यसै परमपरालाई कायम राख्दै दुवै देशको प्रधान सेनापतिलाई एक आर्का देशको मानार्थ सेनापतिको रुपमा पदविभुषण ग्रहण गर्ने गरिन्छ सोही उपाधि लिने भारतीय सेनाध्यक्ष मनोज पाण्डे भदौं १९ मा नेपालको पाँच दिने भ्रमणको शिलशिलामा नेपाल आइपुगेका थिए ।
भ्रमणको क्रममा जनरल पाण्डेले भदौं २२ गते पोखरास्थित भारतीय पेन्सन वितरण कार्यालयको भ्रमण गरे । भारतीय सेनाका भूतपूर्व सैनिकलाई सम्बोधन गर्नुका साथै वीरता अवार्डका विजेतालाई सम्मान गरेका थिए । जनरल पाण्डेकी धर्मपत्नी श्रीमती अर्चना पाण्डेले पनि सो कार्यक्रममा उपस्थित वीर नारीलाई सम्मान गरिन ।
भारतीय सेनाध्यक्ष जनरल पाण्डेले गोर्खा सैनिकको वीरता, साहस र समर्पणको खुलेर प्रशंसा गरे । सोही दिन बिहान उनले नेपाली सेनाको पोखरामा अवस्थित मध्य कमाण्ड हेडक्वार्टरको भ्रमण गरी त्यहाँ रहेका कर्मचारी सँग अन्तरक्रिया गरेका थिए । सेनाध्यक्ष पाण्डेले भूतपूर्व सैनिक योगदान स्वास्थ्य योजना (ईसीएचएस) अन्तर्गतका पोलिक्लिनिकलाई तीनवटा एम्बुलेन्स (मोबाइल मेडिकल युनिट) हस्तान्तरण गरे । एम्बुलेन्सले नेपालमा रहेका तीन लाख भन्दा बढी भारतीय सेनाका भूतपूर्व सैनिक र उनीहरुका परिवारलाई सहजरुपमा स्वास्थ्य सेवा प्रदान गर्न सहयोग पुर्याउनुका साथै दुर्गम क्षेत्रका बासिन्दाका लागि विशेष उपयोगी हुनेछ ।
जनरल पाण्डेलाई गत सोमबार नेपालका सम्माननीय राष्ट्रपति श्रीमती विद्यादेवी भण्डारीले नेपाली सेनाको मानार्थ महारथीको दज्र्यानी चिन्ह प्रदान गर्नुभएको थियो । नेपाली समकक्षी जनरल प्रभुराम शर्मा लगायत जनरल पाण्डेले नेपालका सम्माननीय राष्ट्रपति र प्रधानमन्त्री एवम् रक्षा मन्त्री श्री शेर बहादुर देउवा सँग पनि भेटवार्ता गरिएको थियो । नेपाल बसाईका दौरान उनले नेपाली सेनाको सैनिक कमाण्ड तथा स्टाफ कलेजको भ्रमण गरी त्यहाँका विद्यार्थी तथा कर्मचारीलाई सम्बोधन गर्नुभएको थियो ।
दुई देशबीचको द्विपक्षीय सहकार्य अनुरुप, जनरल पाण्डेले नेपाली सेनालाई साइमुलेटर र हलुका सवारी साधन लगायतका तालिम उपकरणहरु हस्तान्तरण गरेका थिए ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन