लाल मोहम्मदको हत्यामा अन्डरवल्र्ड डन उदय सेठीको हात हुने सक्ने आशंका

257 Shares

काठमाडौं । संघिय राजधानी काठमाडौंको गोठाटारमा व्यवसायी लाल मोहम्मदको गोली हानेर हत्या भएको चार दिनमै घटनामा मुख्य योजनाकार भनिएका व्यक्तिको पृष्ठभूमि आपराधिक रहेको खुलेको छ ।
भारतको हरियाणा घर भएका नितेन मदन अरोरा लामो समयदेखि नेपालमा बसेर अपराधिक गतिविधिमा संलग्न भएको पाइएको हो । सर्लाहीको हरिवन नगरपालिका–२ घर भएका लाल मोहम्मदको हत्या गर्नुअघि नै उनी प्रहरीको खोजी सूचीमा थिए । ‘नितेनलाई लुटपाट आरोपमा प्रहरीले खोजिरहेका थियौं’ अनुसन्धानमा संलग्न एकजना प्रहरी अधिकृत भन्छन्, ‘न्युरोडबाट उनले ७० लाख नगद लुटेर भागेका थिए ।’
१ वर्षअघि उनले न्यूरोडबाट ७० लाख नेपाली रुपैयाँ लुटेर भागेको प्रहरीको भनाइ छ । सो पैसा हुण्डीको भएको प्रहरीको अनुसन्धान निष्कर्ष छ । पीडितले ७० लाख नेपाली र ३० लाख भारतीय रुपैयाँ लुटिएको दाबी गरेका छन् । तर, हुण्डीको पैसा भएकाले पीडित पनि खुलेर आएनन ।
लाल मोहम्मद हत्याको मुख्य योजनाकार नितेन मदन अरोरा
तर, प्रहरी वृत्त जनसेवा र जिल्ला प्रहरी परिसर काठमाडौंले नितेनमाथि निगरानी गरिरहेको थियो । हाल फरार नितेन लामो समयदेखि काठमाडौंमा बस्दै आएको बताइएको छ । उनका दाइ र आमा अहिले काठमाडौंमै छन् । हरियाणा स्थायी घर भएका नितेनले पत्नीलाई दिल्लीमा राखेका छन् । क्यासिनोको बानी परेको नितेनले लाखौं सिध्याएको अनुसन्धानमा संलग्न प्रहरी अधिकृतहरु बताउँछन् ।
अन्डरवल्र्ड उदय सेट्ठीलाई जुत्ता पुर्याउन जेल जान्थे
लाल मोहम्मदको हत्या कनेक्सन भारतीय अन्डरवल्र्ड डन उदय सेट्ठीसँग देखिएको छ । रसुवा कारागारमा रहेका अन्डरवल्र्ड डन सेट्ठीसँग नितेन नियमित टेलिफोन सम्पर्कमा थिए । काठमाडौंबाट ब्राण्डेड जुत्ता बोकेर उनी सेट्ठीलाई भेट्न रसुवा कारागार जान्थे । उनले सेट्ठीको इशारामा काम गर्ने गरेको अनुसन्धानमा संलग्न एकजना प्रहरी अधिकृतले उढृत गर्दै विभिन्न अनलाइन बताए ।
अन्डरवल्र्ड डन छोटा राजनका मुख्य सहयोगी सेट्ठी सामाखुसीका व्यवसायी केदार कक्षपतीका छोरा निरजलाई अपहरण गरेर १ करोड ५० लाख फिरौती लिएको मुद्दामा जेलमा छन् ।
लाल मोहम्मद पनि लामो समय रसुवा कारागारमा बसेका थिए । २०६४ असार २० मा काठमाडौंको अनामनगर स्थित धोबिखोलामा बाराका बलराम पटुवालाई गोली हानेर हत्या गरेपछि जेल परेका उनी करिब १० वर्षपछि निस्केका थिए ।
पटुवा जाली नोट कारोबारमा जोडिएका थिए । विगतमा जाली नोट कारोबारमा जोडिएका व्यक्तिहरुको हत्यामा पनि छोटा राजन र भारतीय अन्डरवल्र्ड बब्लु श्रीवास्तव र ‘बब्बु’ भनिने त्रिलोक सिंह उर्फ दीपक शाहीको समूह संलग्न हुँदै आएको छ । बब्लु अहिले जेलमा छन् । उनी जेल परेपछि नेपालमा बब्बुको समूह प्रयोग हुने गरेको श्रोतले बताउँछन् ।
लाल मोहम्मद हत्यालाई प्रहरी अधिकारीहरुले पुराना जाली नोट कारोबारीको हत्याको श्रृङ्खलासँग जोडेर अनुसन्धान गरिरहेका छन् ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।