बेइजिङ्ग । चीन सरकारद्धारा प्रयाजित एवं प्रोत्साहन दिइएको ह्याकिंङ्ग समुह “एडभान्स्ड पर्सिस्टन्ट थे्रट्स (एपीटी) ले सरकारी संस्थाहरु तथा कम्पनीहरुलाई निशाना बनाएर ह्याकिङ्ग गराउदै आएको गम्भीर आरोप यतिखेर लागेको छ ।
एक दशक पुरानो समूहले विश्वव्यापी रूपमा सरकारी संस्था र कम्पनीहरूलाई निशाना बनाइरहेको खुलासा गरिएको हो । हिँडो–प्यासिफिक सेन्टर फर स्ट्रेटेजिक कम्युनिकेसन (आईपीसीएससी) मा लेख्ने एक अनुसन्धानकर्ता ग्रुषा बोसले एपीटी ४१ र २७ हाल सक्रिय सबैभन्दा पुरानो र सबैभन्दा खतरनाक समूहहरू भएको बताएकी छिन् । देशको राष्ट्रिय सुरक्षालाई खतरामा पार्ने क्षमताहरू यी ह्याकिङ समूहसँग रहेको बताइएको छ ।
चीनको एपीटी ह्याकर समूहहरूले आफ्नो जासुसी एजेन्डा पूरा गर्न सरकारी संस्थाहरूको कमजोरीहरूको शोषण गर्न असामान्य मालवेयर उपकरणहरू प्रयोग गर्छन् । तिनीहरू आफू जोगिनका लागि तिनीहरूको आक्रमण रणनीतिहरू परिवर्तन गरिरहने गरेको पनि बताइएको छ । चिनियाँ जासुसी अपरेटरहरू चीनको पञ्चवर्षीय विकास योजनासँग जोडिएका छन् ।
सामान्यतया, यी समूहहरूलाई तिनीहरूको गतिविधि, लक्षित क्षेत्रहरू र तिनीहरू कुन सरकार–समर्थित छन् भन्ने आधारमा संख्याहरूद्वारा सूचीबद्ध गरिन्छ । त्यसैले मन्डियन्टको प्रतिवेदन अनुसार चीनका एपीटीहरू एपीटी १, २, ४, १६, २६, २७, ४० र ४१ को सूची जारी गरिएको छ ।
यी प्रत्येक एपीटीहरूले उनीहरूको गतिविधिको एक विशेष वर्षको अवधिमा लक्षित सरकारी संस्था र कम्पनीहरूको रणनीतिक राष्ट्रिय प्रतिभूतिहरूको लाभ उठाउने प्रमुख भूमिका खेलेको छ । उदाहरणका लागि, एपीटी २६ ले एयरोस्पेस, रक्षा र ऊर्जा क्षेत्रहरूलाई लक्षित गर्छन् भने एपीटी १६ ले उच्च प्रविधि, सरकारी सेवाहरू, मिडिया र वित्तीय सेवा उद्योगहरूमा जापानी र ताइवानी संस्थाहरूलाई निशाना बनाउँछन् ।
एपीटी ४१ लाई यसको दोहोरो जासुसी र साइबर अपराध सञ्चालनका लागि ’डबल ड्र्यागन’ पनि कुख्यात रूपमा चिनिन्छ । जसले चिनियाँ राज्य–प्रायोजित जासुसी गतिविधिहरू गर्दछ जसले व्यक्तिगत आर्थिक रूपमा उत्प्रेरित कार्यहरू सँग समानान्तर रूपमा सरकारी संस्थाहरूलाई लक्षित गर्ने गरेको बोसले जनाएकी छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन