वृन्दावनमा मेयर कप क्रिकेट प्रतियोगिता संचालनमा

रौतहट, १४ असोज । रौतहटको वृन्दावन नगरपालिका वडा नं ३ विश्रामपुरमा नगरस्तरीय मेयर कप नकआउट टि–ट्वान्टी क्रिकेट प्रतियोगिता बिहिवारदेखि संचालनमा आएको छ ।
वृन्दावन नगरपालिकाको आर्थिक सहयोग तथा राजदेवी युवा क्लव हर्षाहाको आयोजनामा सञ्चालन भएको प्रतियोगिताको नगर प्रमुख विनोद प्रसाद पटेलले बिहिवार एक समारोहका विच उदघाटन गरेको हो ।
आयोजित कार्यक्रममा मेयर पटेलले खिलाडीहरु सँग क्रिकेट खेलेर प्रतियोगिताको उदघाटन गरे । एक महिना अर्थात कार्तिक १२ गतेसम्म चल्ने प्रतियोगिताका विजेतालाई नगद रु ५० हजार र उपविजेता टोलीलाई नगद रु ३० हजार रुपैयाका साथै मेडल, ट्रफी र प्रमाणपत्र प्रदान गरिने प्रतियोगिताका संयोजक राजदेवी युवा क्लवका अध्यक्ष आशिसराज पटेलले जानकारी दिए ।
प्रतियोगितामा नगरका वडा नं १ देखी ९ वटै वडाका टोलीहरुबीच प्रतिष्पर्धा हुने जनाइएको छ ।