बाराको प्रसौनी गाउँपालिकामा एकै परिवारका तिनजनाको हत्या

बारा, २६ असोज । बाराको प्रसौनीमा एकै परिवारको तिन जनाको विभत्स तवरबाट हत्या गरिएको छ ।
प्रसौनी गाउँपालिका वडा नम्वर ५ प्रस्टोका गाउँका दिपेन्द्र चौधरीको २५ बर्षिया श्रीमती सुजाता चौधरी, ३ बर्षिया छोरी ताहिरा चौधरी र १६ महिनाको छोरा राजवीर चौधरीको शव बुधवार दिउसो गाउँ भन्दा २ किलोमिटर टाँढा ढोरा किनारमा फेला परेको जिल्ला प्रहरी कार्यालय कलैयाले जनाएको हो ।
बाराका एसपी होविन्द्र बोगटीका अनुसार मृतक महिलाको श्रीमान् घाईते अवस्थामा प्रहरीले फेला परेको हुँदा निजको विरगंज स्थित एलएस न्यूरो अस्पतालमा प्रहरीको निगरानीमा उपचार भईरहेको छ । घटना सम्बन्धमा प्रहरीले आवश्यक अनुसन्धान गरिरहेको उनले भने ।