सर्लाहीको बाँकेमा बस दुर्घटना २२ जना यात्रु घाइते

सर्लाही, ३१ असोज । पूर्व पश्चिम राजमार्गमा पर्ने सर्लाहीको बाँके चोकमा यात्रुबाहक बस सोमवार दुर्घटना हुँदा २२ जना यात्रुहरु घाईते भएका छन् ।
काँकडभिटाबाट भैरहवा तर्पm जादै गरेका बा ४ ख ३३७८ नम्वरको यात्रुबाहक बस सोमवार विहान ३ बजेको समयमा सर्लाही जिल्ला अन्तर्गत पर्ने पुर्व पश्चिम राजमार्गका बाँके चोक नजिकै दुर्घटना हुँदा २२ जना यात्रुहरु घाईते भएको जिल्ला प्रहरी कार्यालय सर्लाहीले जनाएको हो ।
अत्याधिक गतिमा गुडिरहेको बस एक्कासी अनियन्त्रित भइ सडक छेउमा पल्टिँदा बसमा सवार यात्रुहरु घाइते भएका थिए । घाईत यात्रुहरुलाई लालबन्दी र बयलवासमा रहेका विभिन्न अस्पतालमा उपचार भईरहेको प्रहरीले जानकारी दिएको छ ।
घाइतेमध्ये बसका सह–चालक झापाको मेचिनगर नगरपालिका–७, बस्ने २१ वर्षीय प्रदीप पुरीको अवस्था गम्भीर छ । उनलाई लालबन्दीमा सामान्य उपचार पश्चात थप उपचारका लागि झापातर्फ नै रेफर गरिएको छ ।
अन्य घाइतेको अवस्था सामान्य रहेको र उपचार पश्चात अधिकाँश यात्रुहरुलाई डिस्चार्ज गरिएको सर्लाहीको एसपी प्रविण पोखरेलले जानकारी दिए । दुर्घटनापछि बस र बसका चालकलाई प्रहरीले नियन्त्रणमा लिएको छ ।