नयाँ दिल्ली, ५ चैत । कोरोना विरुद्धको खोप अभियान तीव्र पारिए पनि भारतमा कोरोना संक्रमणको दर उत्कर्षमा बढ्न थालेको छ ।
भारतको स्वास्थ्य तथा परिवार कल्याण मन्त्रालयले जारी गरेको एक तथ्यांक अनुसार पछिल्लो २४ घण्टामा ३५ हजार ८७१ कोरोनाको नयाँ संक्रमित विरामी थपिएको हो । जुन दैनिक संक्रमित दरको संख्यामा तीन महिनाकै उच्च वृद्धि दर हो । पछिल्ला साता यता हरेक दिन २० हजारभन्दा बढी संक्रमित थपिइरहेका छन् ।
यससँगै भारतमा कुल संक्रमितको संख्या १ करोड १४ लाख ७४ हजार नाघेको छ । ती मध्ये १ करोड १० लाख ६३ हजारभन्दा बढी निको भइसकेका छन् । सक्रिय संक्रमितको संख्या २ लाख ५२ हजार २ सय ६४ छ । पछिल्लो २४ घण्टामा कोरोनाले १७२ जनाको मृत्यु भएको छ । बिहीबार बिहान सम्म भारतमा कोरोनाले मृत्यु हुनेको संख्या १ लाख ५९ हजार २१६ पुगेको छ ।

केही दिनयता संक्रमितको संख्यामा भइरहेको वृद्धिलाई विज्ञहरूले संक्रमणको अर्को लहर हुन सक्ने भन्दै चिन्ता व्यक्त गरेका छन् । विशेष गरी महाराष्ट्र, कर्नाटक, केरला, पन्जाब, गुजरात लगायत राज्यमा संक्रमण बढ्न थालेको छ । महाराष्ट्रलगायत केही राज्यले विभिन्न स्थानमा लकडाउन र रात्रिकालीन कफ्र्यु आदेश जारी गरिसकेका छन् ।
प्रधानमन्त्री नरेन्द्र मोदीले बुधबार मात्र बढ्दो संक्रमण र खोप अभियानको प्रगतिको समीक्षा गर्न मुख्यमन्त्रीहरू सँग भिडियो कन्फरेन्स मार्फत छलफल गरेका थिए । उक्त छलफलमा मोदीले कोरोना संक्रमणको अर्को लहरलाई समयमै रोक्नका लागि खोप अभियानलाई तीव्रता दिन मुख्यमन्त्रीहरूलाई भनेका थिए ।
भारतमा बुधबारसम्म ३ करोड ७१ लाख ४३ हजारभन्दा बढीले खोप लगाएका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन