चार वटै क्षेत्रमा आज राति देखि मतगणना हुने

रौतहट, ४ मंसिर । रौतहट जिल्लामा शान्तिपूर्ण रुपमा मतदान सम्पन्न भई सम्बन्धित मतगणना स्थलमा मतपेटिका ल्याउने क्रम जारी रहेको छ ।
मुख्य जिल्ला निर्वाचन अधिकृत मातृकाप्रसाद मरासिनीका अनुसार मतगणना रौतहटको ४ वटा क्षेत्रको मतगणना ४ स्थानबाट हुने भएको छ ।
क्षेत्र नम्बर १ को जुद्ध माबि गौर, क्षेत्र नम्बर २ को लौकाहा माबि, क्षेत्र नम्बर ३ का कटहरिया माबि र क्षेत्र नम्बर ४ को जन ज्योती बहुमुखी क्यामपस चन्द्रनिगाहपुरमा मतगणना हुने उनले जानकारी दिए । सर्वदलीय बैठक पछि मतगणना आजै राति देखि हुने बताइको छ ।
२०७४ सालको निर्वाचनमा सबै क्षेत्रको मतगणना जुद्ध माबि गौरमा भएको थियो ।