रौतहट, ९ मंसिर । मंसिर ४ गते भएको निर्वाचनको मतपरिणाम गणना गर्दा रौतहटबाट प्रतिनिधि सभामा जानेमा स्वतन्त्रको बोलबाला बढि देखियो ।
रौतहटमा चार वटा प्रतिनिधि सभा र ८ वटा प्रदेश सभाको निर्वाचन क्षेत्र निर्धारण गरिएकोमा प्रतिनिधि सभाको दुई क्षेत्रबाट स्वतन्त्र उम्मेदवारको विजयी भएको र १ मा नेकपा एस, १ मा नेपाली काँग्रेसले जित निकालेका हुन् ।
१ नम्वर क्षेत्रबाट नेकपा एसका अध्यक्ष एवं पूर्व प्रधानमन्त्री माधवकुमार नेपाल र क्षेत्र नम्वर ४ बाट वाम लोकतान्त्रिक गठबन्धनका साझा नेपाली काँग्रेसका उम्मेदवार देवप्रसाद तिमसिनाले जित निकाले । क्षेत्र नम्वर २ बाट पहिलो पटक किरण साह प्रतिनिधि सभा सदस्य पदमा निर्वाचित हुन सफल भए । साह स्वतन्त्रबाट उम्मेदवारी दिए, उनका प्रतिद्धन्दी नेपाली काँग्रेसका डा फिरदोस आलम विच भएका थिए । उक्त प्रतिष्पर्धामा साहले बाजी मार्दै पहिलो पटक प्रतिनिधि सभामा पुग्न सफलता प्राप्त गरेको बताइएको छ ।
नेपाली काँग्रेसले आफताव आलम टिकटको लागि सिफारिस गर्दा देश भरीबाट आलोचनाको झरी लागेपछि उनका छोरा फिरदोसलाई टिकट दिएको थियो तर सीट जोगाउन सकिएन ।
यस्तै एमालेको टिकटलाई होल्ड गरी स्वतन्त्र उम्मेदवारी दिएका प्रभु साह चौथो पटक निर्वाचत भएका छन् । साह २०६४ र २०७० को संविधान सभाको निर्वाचन तथा दुई पटक प्रतिनिधि सभाको निर्वाचनमा विजयी भएपछि उनी लगातार चौथो पटक जित निकाल्न सफल भएका युवा नेताको रुपमा स्थापित भए ।

विकासको पर्यायवाची शब्दले रौतहट सहितका क्षेत्रमा परिचित रहेका साहलाई हराउन सम्पूर्ण शक्तिहरु लागिपरेपनि जनताको शक्तिले उनलाई जिताउदै प्रतिनिधि सभाको योग्य सदस्य बनाएको स्थानीय संजय मिश्रले बताए ।
यसैगरी प्रदेश सभाको ८ सिटमा ३ नेपाली काँग्रेस, १ नेकपा एमाले, १ नेकपा माओवादी, १ नेकपा एस, १ जसपा र १ स्वतन्त्र उम्मेदवार विजयी भएको छ । निर्वाचन क्षेत्र नम्वर १ को दुवै सिटमा क्रमश नेपाली काँग्रेसका नागेन्द्र साह, काँग्रेसका मधेश प्रदेश सभापति कृष्णप्रसाद यादव क्षेत्र नम्वर ३ क बाट नेकाको जिल्ला सभापति सुनिल यादव विजयी भएको छ भने, नेकपा एमालेका जैद राजा, एसका कनिष्ट पटेल, माओवादीका युवराज भटराई (समिर), जसपाका शेख अबुल कलाम आजाद, स्वतन्त्र केशव चौधरी विजयी भएका छन् ।
प्रतिनिधि सभा र प्रदेश सभामा निर्वाचित हुनु भएका सम्पूर्ण माननिय सदस्यहरुलाई बधाईको साथै जनमुखी काम गर्नका निमित्त सफल कार्यकालको लागि तराई टप नेपाली अनलाईन मिडियाले हार्दिक मंगलमय शुभकामना दिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन