नयाँ दिल्ली । भारत चीन बीच बास्तविक नियन्त्रण रेखा (एलएसी) नजिक पछिल्ला समयमा तनाव उत्पन्न भएका स्थान नजिक भारत र अमेरिकले संयुक्त रुपमा सैन्य अभ्यास गर्ने भईरहेका छन् ।
भारत र अमेरिकाले संयुक्त रुपमा नोभेम्बर १५ देखि डिसेम्बर २ सम्म नियन्त्रण रेखा नजिक अभ्यास भइरहेका हुन् । संयुक्त सैन्य अभ्यास उत्तराखण्डको औलीमा भईरहेछ । यो क्षेत्र बास्तविक नियन्त्रण रेखा एलएसीबाट एक सय किलोमिटरको दुरी मात्रै रहेको छ ।
अभ्यासमा दुवै देशका करिब ३५०–३५० सैनिक सहभागी रहेका छन् । हिमाल र अति चिसो क्षेत्रमा एकीकृत लडाई समूहको परीक्षण गरिनेछ । यो अभ्यास एक वर्ष भारतमा र एक वर्ष अमेरिकामा गरिने गरिएको छ । गत वर्ष यो अभ्यास अमेरिकाको अलास्कामा भएको थियो ।
यसका साथै यस वर्षको अन्त्य सम्ममा भारतले एकैसाथ ३ वटा ठूला अभ्यास गर्ने भएको छ । यी सबै सैन्य अभ्यास नोभेम्बर ८ बाट सुरु भएको हो । ११ डिसेम्बरसम्म चल्ने यी सैन्य अभ्यासमा भारतले आफ्नो सैन्य शक्ति देखाएको छ । भारतले क्वाड देशहरूसँग मालाबार नौसेना अभ्यास र अष्ट्रेलियासँग इन्फन्ट्री अभ्यास गर्नेछ।
उत्तराखण्ड सँग जोडिएको चीनको सीमा भारतीय सेनाको केन्द्रीय क्षेत्रको हिस्सा हो। यो क्षेत्र भारत र चीनबीच लामो समयदेखि विवादमा रहेको छ । दुई वर्षअघि ग्लावान उपत्यकामा भएको हिंसात्मक झडप पछि यस क्षेत्रमा चिनियाँ सैन्य गतिविधि बढेको छ। यही कारणले गर्दा भारत र अमेरिकाबीचको सैन्य अभ्यास निकै महत्त्वपूर्ण मानिएको छ । एएनआई ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन