छतौनमा पशुचौपायाको गोठमा आगलागी, ८ लाखको क्षति

रौतहट, १६ मंसिर । रौतहटको दुर्गा भगवती गाउँपालिकाको छतौनमा पशुचौपायाको गोठमा आगलागी हुँदा ८ लाख बराबरको धनमाल जलेर नष्ट भएको छ ।
दुर्गा भगवती गाउँपालिका वडा नम्वर ४ छतैनाका हरी राय यादवको गोठमा विहिवार राति साढे ७ बजेको समयमा आगलागी हुँदा उक्त मुल्य बराबरको धनमाल जलेर नष्ट भएको हो ।
गोठमा भएको आगलागीमा परेर ३ वटा भैंसी र ५ वटा बाख्राको जलेर मृत्यु भएको छ । गोठमा लामखुट धपाउन बालिएको घुरोबाट आगलागी भएको प्रारम्भी अनुसन्धानबाट खुल्न आएको प्रहरीले जनाएको छ ।