तराई टप संवाददाता
काठमाडौं, ३१ चैत । नेपाली काँग्रेसको नेता प्रकाशशरण महतले कोभिड—१९ (कोरोनाभाइरस) महामारी नियन्त्रणमा सरकार उदासिन रहेको आरोप लगाएको छ । कोभिड–१९ को नयाँ भेरियन्ट नेपालमा प्रवेश गर्ने सम्भावना हुनुका साथै फेरि संक्रमण विस्तार हुन सक्ने अवस्था रहेपनि सोको रोकथाम र नियन्त्रणमा प्रभावकारी कदम चाल्न सरकार उदासिन भएको उनले आरोप लगाएका हो ।
काँग्रेसले गठन गरेको कोभिड–१९ अनुगमन समितिका संयोजक समेत रहनु भएका महतले मंगलबार जारी गरेको विज्ञप्तिमा अहिले संक्रमितको संख्या ह्वातै बढेको र गम्भीर विरामी भएर आइसियुमा बस्नु पर्ने संक्रमितको संख्या र मृतकको संख्या पनि बढ्दै गएको भन्दै भविष्यमा अझ भयावह स्थिति आउन सक्ने सम्भावनालाई पार्टीले गम्भीर रुपमा लिएको उल्लेख गरेका छन् ।
यस्तो अवस्थामा संक्रमण रोक्न काँग्रेसले सरकारसँग ९ बुँदे माग गरेको छ । जसमा स्वास्थ्य सामग्रीको तत्काल आपूर्ति सुनिश्चित गरिनुपर्ने, सिमा नाकाबाट आउनेहरुलाई व्यवस्थित चेक जाँच गरिनुपर्ने, कन्ट्रयाक्ट ट्रेसिङलाई प्रभावकारी बनाइनुपर्ने, खोप आपूर्ति सुनिश्चित गर्न उच्च कुटनैतिक पहल गर्नु पर्ने लगायतका माग गरिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन