तराई टप संवाददाता
रौतहट, ३ वैशाख । विजुलीको तारमा हुकिंग गरेर विद्युतिय उपकरण चलाइरहेको अवस्थामा हुकिंग नियन्त्रण गर्ने टोलीले १८ थान पानी तान्ने मोटर बरामद गरेको छ ।
रौतहटको मौलापुर नगरपालिका स्थित विद्युत प्राधिकरण मौलापुरबाट खटिएको विद्युत चुहावट नियन्त्रण टोलीले सो नगरपालिकाको विभिन्न स्थानहरुमा चेकजाँच गर्दा हुकिंग गरेर प्रयोग गरिएको १८ थान मोटर बरामद गरिएको हो ।
मौलापुर क्षेमा ४७ प्रतिशत बिद्युत चुहावट भईरहकोमा सो कार्यलाई नियन्त्रण गर्ने उद्देश्यबाट सुरक्षाकर्मी सहितको हुकिंग नियन्त्रण टोलीले विद्युत चोरी गर्नेहरुलाई पक्राउ गरी जरिवाना असुल गर्ने काम सुरु गरेको छ । विद्युत प्राधिकरणले पहिलो चरणमा विद्युत चोरी नगर्न आग्रह गर्ने र दोश्रो चरणमा अटेर गरेर विद्युत चोर्नेहरुलाई प्रहरीको सहायतामा पक्राउ गरी नगद जरिवाना असुल गर्ने गरेको विद्युत प्राधिकरण मौलापुर शाखाका प्रमुख शाक्ति साहले बताए ।
प्राधिकरणको गौर, मौलापुर, चन्द्रपुर वितरण केन्द्रहरुबाट नियमिति रुपमा अनुगमन चेकजाँच भईरहदा विगतको दिनहरुको तुल्नामा चुहावट नियन्त्रण हुँदै गएको गौर शाखाको प्रमुख माधव यादवले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन