पर्साको ठोरीबाट ठूलो परिमाणमा गाँजा बरामद

पर्सा, २७ मंसिर । पर्साह जिल्लाको ठोरी गाउँपालिकाबाट ठूलो परिमाणमा लागुऔषध गाँजा सशस्त्र प्रहरीले नियन्त्रणमा लिएको छ ।
सशस्त्र प्रहरीले ठोरी गाउँपालिका वडा नम्बर ३ को ठुटेखोला क्षेत्रबाट ३६३ किलोग्राम गाँजा सहित ट्रकलाई नियन्त्रणमा लिएको हो ।
सशस्त्र प्रहरी बल नेपाल छिन्नमस्ता बाहिनी मुख्यालय महोत्तरीको विशेष सूचनाको आधारमा बिओपी ठोरीले सोमबार साँझ लागुऔषध गाँजा र ट्रकलाई नियन्त्रणमा लिएको र गाँजा बोकेको ट्रक नियन्त्रणमा लिएको जनाइएको छ ।
मकवानपुरको हेटौंडाबाट पर्साको विजयबस्ती तर्फ जाँदै गरेको ना ४ ख ६५५५ नम्बरको ट्रकलाई नियन्त्रणमा लिएको सशस्त्र प्रहरीले जानकारी दिए ।
प्रहरीका अनुसार ट्रकमा फल्स वटन प्रयोग गरेर २२ वटा कार्टुनमा प्याक गरेर लैजाँदै गरेको अवस्थामा गाँजा र ट्रक नियन्त्रणमा लिइएको सशस्त्र प्रहरीको बाहिनीपति गणेशबहादुर ठाडा मगरेल बताए । ट्रकका चालक भने सशस्त्र प्रहरीलाई देख्ने वित्तिकै ट्रक छाडेर फरार भएका थिए ।