पहिलो टेस्टमा बंगलादेशमाथि भारतको बिजय

चटगाउँ, ३ पुस । भारतले पहिलो टेस्टको पाँचौं दिन आइतबार बंगलादेशलाई १८८ रनले पराजित गरेको छ ।
भारतलाई जितका लागि आवश्यक चार विकेट अन्तिम दिनको पहिलो सत्रको सुरुमै प्राप्त भएको हो ।
पाँचौं दिन विकेट गुमाएर २ सय ७२ बाट अगाडि खेल्न सुरु गरेको बंगलादेश ३ सय २४ रन बनाएर अलआउट भयो । भारतको लागि अक्षर पटेलले चार तथा कुलदीप यादवले तीन विकेट लिन सफल भए ।
पहिलो टेस्टमा आठ विकेट लिएका कुलदीप यादब प्लेयर अफ द म्याच भए । यस जितसँग भारतले दुई टेस्टको सिरिजमा १–० ले अग्रता लिएको छ । अब दोस्रो तथा अन्तिम टेस्ट बिहीबार मिरपुरमा हुनेछ ।