आगलागिबाट ६ लाखको क्षति

धनकुटा, ३ पुस । धनकुटा नगरपालिका ४ देब्रेबासमा आइतबार एक घरमा आगलागी भएको छ । आगो निभाउने क्रममा दुई जना घाइते भएका छन् ।
देब्रोबासका लीलाबहादुर आचार्यको दुई तले घरमा बिहान १० बजे भान्साकोठाबाट खाना पकाउने क्रममा ग्यास चुलाबाट आगलागी भएको प्रहरीले जनाएको छ । आगो निभाउने क्रममा घरधनी लीला र उनकी श्रीमती कमला आचार्य घाइते भएका छन् । घाइते समयमा जिल्ला अस्पतालमा उपचार भइहेको र दुवैको अवस्था सामान्य रहेको अस्पतालले जनाएको छ ।
आगलागीबाट लत्ता कपडा, भाडाबर्तनसहित ६ लाख ३० हजार रुपैयाँ बराबरको क्षति भएको प्रहरीले जनाएको छ ।
आगलागीबाट घरसँगै रहेको कुखुरा फार्मका २ सय वटा कुखुराका चल्ला समेत मरेका छन् ।