चिसोबाट जोगाउन शिशु कक्षामा जुट कार्पेट ओछयाउदै

प्रेमचन्द्र झा
रौतहट, ५ पुस । चिसोबाट बालबालिकाहरुलाइ जोगाउन बिद्यालयमा जुट कार्पेट ओछयाउने क्रम सुरुभएको छ ।
गौर नगरपालिका वडा नं. ८ आधार भुत विधालय पुरेनवामाको शिशु कक्षामा अध्ययनरत वालवालिकालाई चिसोबाट बचाउन जुट कार्पेट ओछयाउने काम भएको हो ।
गौर नगरप्रमुख शम्भु साहको निर्देशनमा कक्षा कोठा भित्र जुट ओछ्याउने काम भएको नगरपालिकाका प्रमुख प्रशासकीय अधिकृत सुभाषकुमार ठाकुरले जानकारी दिए । सो कक्षामा अध्ययनरत एक सय जना भन्दा बढी बालवालिकालाई कक्षाकोठामा पढाउन तथा चिसोबाट जोगाउन उक्त अभियानबाट फाईदा पुगेको विद्यालयका प्रधानाध्यापक सरोज कुमार झाले बताए । कक्षा ८ सम्म पढाइ हुने सो विद्यालयमा नियमित दिवा खाजा लगायतका कार्यक्रम पनि सञ्चालनमा रहेका छन् ।