तुनिषा शर्माको मृत्यु प्रकरणमा मुम्बई प्रहरीको खुलासा, ब्रेकअपका कारण आत्महत्या

मुम्बई, ११ पुस । मुम्बईको प्रहरी एसिपी चन्द्रकान्त जाधवले टिभी अभिनेत्री तुनिषा शर्माको मृत्युको प्रकरणमा उनको शीजान खानसँग प्रेम सम्बन्ध रहेको र उनीसँग ब्रेकअप भएपछि उनले आत्महत्या गरेको बताएका छन् ।
उनले भने, ‘तुनिषा शर्मा एक टिभी कार्यक्रममा अभिनय गरिरहेकी थिइन् । १५ दिनअघि उनको ब्रेकअप भएको थियो, त्यसपछि तुनिषाले आफ्नो शोको सेटमा आत्महत्या गरेको छ ।
तुनिषाकी आमाले उजुरी दिएको एसीपी चन्द्रकान्त जाधवले बताए । उनको उजुरीका आधारमा शीजानलाई पक्राउ गरी अदालतमा पेश गरिएको छ ।
तुनिषा शर्माको आत्महत्या प्रकरणमा उनका सह–कलाकार शीजान खान पक्राउ गरेर चार दिनको प्रहरी हिरासतमा राखिएको बताए ।
पोष्टमार्टम रिपोर्टमा तुनिषाको मृत्यु झुण्डिएर भएको स्पष्ट लेखिएको छ ।
यसअघि टिभी अभिनेत्री तुनिषा शर्माको मृत्युको सम्बन्धमा वालिव प्रहरीले सह–कलाकार शीजान खानविरुद्ध आत्महत्या दुरुत्साहन मुद्दा दर्ता गरी पक्राउ गरेको थियो । एजेन्सी