चीनमा २ सय गाडी एकआपसमा ठोक्किदा एक जनाको मृत्यु

हेनान (चिन), १४ पुस । चीनको हेनान प्रान्तमा दुई सय गाडी एकआपसमा ठोक्किदा एक जनाको मृत्यु भएको छ ।
हेनान प्रान्तको चेङचोउ स्थित एलो रिभर माथिको पुलमा उक्त दुर्घटना भएको हो । दुर्घटनास्थलको फोटो र भिडियो हेर्दा थुप्रै गाडीहरु एकैठाउँ थुप्रिएका, एउटा गाडीमाथि अर्को गाडी चढेको र कच्याककुचुक परेको देखिन्छ ।
बाक्लो हुस्सु र कुहिरो लागेको कारण दुर्घटना भएको थियो । कमजोर भिजिबिलिटिको कारण दुर्घटना भएको चिनियाँ अधिकारीहरुले जनाएका छन् । चिनियाँ समाचार च्यानल सीसीटीभीले दुर्घटनाबाट एक जनाको मृत्यु भएको जनाएको छ । दुर्घटनास्थलबाट गाडीहरु पन्छाएर यातायात सन्चालन गर्न उद्धारकर्ताहरु सक्रिय भएको छ ।