सिरहा, १४ पुस । सिरहाको सीमा क्षेत्रबाट भन्सार छलेर भित्रयाइएको सबा २९ लाखको मालसामानहरु सशस्त्र प्रहरीले बरामद गरेको छ ।
सशस्त्र प्रहरीको मधेश प्रदेश कार्यालय एवं छिन्नमस्ता बाहिनीका अनुसार सशस्त्र प्रहरी बल नेपाल ७ नम्वर गण सिरहाबाट खटिएका विशेष टोलीले सीमापारी भारतबाट भन्सार छलेर ल्याएका सबा २९ लाख मूल्य बराबरको कपडा र अगरवत्तीको धुलो बरामद गरिएको हो ।
सिरहाको नवराजपुर गाउँपालिका ५ मेनहा बस्ने संजय महतोको जस्तापाताले छाएको टहरामा लुकाई राखेको अवस्थामा १६ लाख २२ हजार ४ सय रुपैयाँ बराबरको लत्ताकपडा र अगरबत्तीको धुलो बरामद गरी सिरहा भन्सार कार्यालय मार्डरमा बुझाईएको छ ।
सोही गाउँपालिका ५ झाँझपट्टी बस्ने विनोद यादवको घर नजिकै लुकाई छिपाई राखेको ५ लाख रुपैयाँ बराबरको १ सय २० बोरा अगरबत्तीको धुलो समेत बरामद भएको छ ।
सशस्त्र प्रहरीले सोही ठाउँकै मेनहा बस्ने ब्रहमदेव महतोको जस्ताले बनाएको टहरोमा ५ लाख ५० हजार रुपैयाँ बराबरको १ सय ६० बोरा अगरबत्तीको धुलो र सोही गाउँपालिका ३ जगतपुर बस्ने शिवनारायण यादवको आगनमा लुकाई राखेको अवस्थामा २ लाख ५० हजार रुपैयाँ बराबरको ७२ बोरा अगरबत्तीको धुलो समेत बरामद गरेको हो ।
बरामद सामान भन्सार कार्यालय लैजाने क्रममा स्थानीयले ढुङ्गा प्रहार गर्दा सशस्त्र प्रहरीको बा १ ग २०५५ नम्बरको ट्रकमा समेत क्षती पुगेको डिआइजी गणेशबहादुर ठाडा मगरले जानकारी दिए । भन्सार राजस्वलाई बढाउने तथा चोरी तस्करी नियन्त्रण कार्यमा सशस्त्र प्रहरी अहो रात्री खटेर लागि परेको हुँदा तस्करहरुको निन्द्रा हराम भएको उनले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन