मोटरसाईकल दुर्घटनामा युवाको मृत्यु

हेटौंडा, १५ पुस । मकवानपुरमा भएको सवारी दुर्घटना हुदाँ एक युवाको मृत्यु भएको छ ।
हेटौंडाबाट फापरबारीतर्फ जाँदै गरेको ना ७ ख १३५२ नम्बरको सिमेन्ट लोड गरेको ट्रकले सोहि दिशातर्फ जाँदै गरेको ना २२ प ९९७७ नम्बरको मोटरसाईकललाई धरानचतरा सडकखण्ड अन्तर्गतको बकैया–५ तीनतलेमा ठक्कर दिंदा युवकको मृत्यु भएको होे ।
दुर्घटनामा गम्भीर घाइते भएका मोटरसाईकल चालक हेटौंडा–१८ फुर्केचौरका ३० वर्षीय विक्रम बम्जनको हेटौंडा अस्पतालमा उपचारको क्रममा मृत्यु भएको प्रहरीले जनाएको छ ।
मोटरसाइकलमा सबार ३५ वर्षीय हिरामाया लोप्चन तथा ट्रकमा सबार २०–२५ वर्षका नाम नखुलेका पुरुष गम्भीर घाइते भएको प्रहरी नायब उपरीक्षक टेकबहादुर कार्कीले जानकारी दिए ।