काठमाडौं, १५ पुस । ईजरायल स्थित नेपाली राजदूतावासले त्यहाँका दीर्घकालिन स्याहार केन्द्रमा स्थलगत भ्रमण गरेको छ ।
स्याहार केन्द्रमा भ्रमण गरेर काम गरिरहेका नेपाली कामदारको अवस्थाबारे जानकारी लिन थालेको हो । उनीहरूले भोग्दै आएका समस्याबारे समेत स्थलगत भ्रमणको क्रममा जानकारी लिन लागिएको दूतावासले जनाएको छ । दूतावास प्रवक्ता अर्जुन घिमिरेले नेपाली सहायक कामदारले काम गर्दै आएका स्याहार केन्द्रको स्थलगत भ्रमण गर्न बताए ।
पहिलो चरणमा बनेई बराकस्थित किङ्ग सोलोमोन नर्सिङ हाउसको स्थलगत भ्रमण गरिएको उनको भनाई छ । इजरायलका लागि नेपाली राजदूत कान्ता रिजाल, प्रथम सचिव अर्जुन घिमिरे सहितको टोलीले स्थलगत भ्रमण गरेको हो । भ्रमणको क्रममा टोलीले केन्द्रका म्यानेजर, नर्सिङ प्रमुख, नेपाली सहायक कामदार लगायतसँग कुराकानी गरेका छन् ।
केन्द्रमा कार्यरत १२ जना नेपाली सहायक कामदारहरूसँग कुराकानी गरेको थियो । उनीहरूसँग दैनिक कामकाज तथा समस्याबारे जानकारी लिइएको प्रवक्ता घिमिरेले बताए । पहिलो चरणमा थप ४ र ५ वटा स्याहार केन्द्रको समेत भ्रमण गरिने उनको भनाई छ ।
नेपाल र इजरायल सरकारबीच जी टुटी सम्झौता पछि एक हजार भन्दा बढी नेपाली सहायक कामदार केयर गिभर इजरायल पुगेका छन् । उनीहरूले गर्दै आएको काम, भोग्ने गरेको समस्या लगायतका विषयमा स्थलगत भ्रमणको क्रममा जानकारी लिइने र समस्या भएको खण्डमा समाधानका लागि पहल गरिने प्रवक्ता घिमिरेले बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन