रौतहट, २२ पुस । अदालतबाट जेलसजाय तोकिएका तथा फैसला कार्यान्वयन गराउने कार्यमा फरार रहेका ९ जना अभियुक्तलाई रौतहट प्रहरीले पक्राउ गरी अदालत समक्ष पेश गरेका छन् ।
जिल्ला प्रहरी कार्यालय रौतहटका अनुसार पुस २० र २१ गते अंगभंग, सवारी ज्यान, लागुऔषध, लगत कट्टा, जरिवाना रौतहट जिल्ला अदालतबाट गरिएका विभिन्न मुद्दामा फैसला भएपनि अभियुक्तहरु फरार रहेका ९ जनालाई पक्राउ गरेर कारवाहीको लागि अदालत समक्ष पेश गरिएका हुन् ।
ईलाका प्रहरी कार्यालय, राजपुरबाट खटिएको प्रहरी टोलीले राजपुर नपा १ पिप्रा भगवानपुर का ४२ बर्षिय लालबाबु राय यादवलाई पक्राउ गरेको छ । यादवलाई अदालतले १० हजार जरिवाना तोकेको छ ।
यस्तै कुटपिट तथा अंगभंग मुद्दामा १ सय ६२ रुपैया ५० पैसा जरिवाना भएका वर्ष ६० को रामजी साह सोनार, सोही स्थानका वर्ष ४८ को राम बाबु राय यादव, गाली बेईज्ती मुद्दाका प्रतिवादी वर्ष ७० को असर्फी ठाकुर लोहार, लागु औषध मुद्दामा ८ दिन कैद र २ हजार.जरिवाना भएका फरार प्रतिवादी वडा नं.२ वस्ने वर्ष ६० को धनई साह तेली , एक हजार जरिवाना भएका फरार प्रतिवादी सोही स्थान बस्ने वर्ष ५१ को शेख वसी अखत्तर रहेका छन् ।
यसैगरी, एक हजार जरिवाना भएका फरार प्रतिवादी सोही स्थान बस्ने वर्ष ६० को सफादत हजाम, एक हजार जरिवाना भएका फरार प्रतिवादी वर्ष ७५ को शेख सहिद, सवारी ज्यान मुद्दामा १ महिना कैद भएका प्रतिवादी राजदेवी न.पा.२ वस्ने वर्ष ४० को उदय प्रकाश महतो लाई पक्राउ गरेर अदालतमा पेश गरेको जिल्ला प्रहरी कार्यालय रौतहटको प्रवक्ता एवं डिएसपी सुनिल मल्लले जानकारी दिए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन