रौतहट, २३ पुस । अत्याधिक चिसोमा कठ्याग्रिएर रौतहटमा एक वृद्ध व्यक्तिको मृत्यु भएको छ ।
मध्य पुसबाट सुरु भएको चिसोको कहर खेप्न नसकेर रौतहटको यमुनामाई गाउँपालिका ५ झुनखुनवा फतुवा टोलका ७० बर्षिय वृद्ध लालमहम्द मियाँ कवारीको कठ्याग्रिएर मृत्यु भएको हो ।
कवारी शुक्रवार (जुम्मा) को नमाज पढेर घर फर्किने क्रममा कठ्याग्रिएर बाटोमा ढलेर अचेत भएपछि उपचारको लागि स्थानिय स्वास्क्ष्य चौकीमा लगिने क्रममा उनको मृत्यु भएको निजको छोरा कलाम मियाँ मन्सुरीले बताए ।
निरन्तर रुपमा चलिरहेको पश्चिमा हावाको कारण न्यूनतम ताममान निकै घटेको छ । चार दिन देखि घाम पनि लाग्न सकेको छैनन । विहानै देखि बाक्लो हुस्सु र शितलहरबाट रौतहट जिल्लामा अत्याधिक चिसोले जनजिवन कष्टकर बनेको छ । चिसोले गर्दा मानिसहरु बिरामी पर्न थालेका छन् । अत्यधिक चिसोले विशेष गरी कोल्ड डायरिया, दम, खोकी, उच्च रक्तचाप, मधुमेहका विरामी सहित बालबालिकाहरु सबै भन्दा बढि प्रभावित भएका छन् ।
चिसोबाट स्थानीयहरु सचेत भएर घरमै बस्न तथा न्यानो लुगा भित्रै रहन तथा अत्यावश्यक भएमा मात्रै घरबाहिर निस्कन स्थानीय प्रशासनले सर्वसाधारणलाई सचेत गराएका छन् ।
पुस २६ गते सम्म सामुदायिक विद्यालय बन्द
यसै विच रौतहटको प्राय स्थानीय तहले अत्याधिक जाडोका कारण अगामी पुस २६ गते सम्म विद्यालयहरु बन्द गरेका छन् । कक्षा कोठाहरु चिसिदै गएपछि स्कुले बालबालिकाहरुलाई जोगाउन गरुडा, गढीमाई, गौर, राजदेवी, राजपुर, इशनाथ, बौधीमाई, वृन्दावन, देवाही गोनाही, कटहरिया, फतुवा विजयपुर नगरपालिका र दुर्गा भगवती, यमुनामाई गाउँपालिकाले बर्षे विदाबाट कट्टा हने गरी अगामी २६ गते सम्म विद्यालय बन्द राख्ने मातहतका सम्पूर्ण सामुदायिक स्कुललाई सर्कुलर जारी गरेका छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन