गिलगिट–बाल्टिस्तानमा हजारौं छात्राहरू प्रदर्शनमा उत्रिए

इस्लामावाद । पाकिस्तानको गिलगिट–बाल्टिस्तानमा हजारौं छात्राहरूले विद्यालयमा आगजनी सहित आतंकबाद विरुद्ध प्रदर्शन गरेका छन् ।
हालै विद्यालयमा आगजनी तथा तोडफोडको विरोधमा विद्यार्थीहरुले विरोध प्रदर्शन गरेका हुन्।
दियामिर जिल्लाको दारैल क्षेत्रमा रहेको बालिका माध्यमिक विद्यालयमा तिन दिन अघि बिहान आगजनी भएको थियो । घटनामा कुनै मानवीय क्षति भने भएको छैन ।
गिलगिट–बाल्टिस्थानमा मुख्यमन्त्री र मुख्य सचिवले छुट्टाछुट्टै विज्ञप्तिमा घटनाको पुष्टि गरे र प्रहरी र अन्य अधिकारीहरूलाई यस जघन्य कार्यमा संलग्न दोषीहरूको गिरफ्तारी सुनिश्चित गर्न निर्देशन दिए ।
आन्दोलनरत विद्यालयका छात्राहरूले दोषीलाई पक्राउ गरी ‘आतंकवादी’ लाई कडा कारबाही गर्न सरकारसँग माग गरेका छन् ।
घटनामा प्रतिक्रिया दिँदै गिलगिट–बाल्टिस्तानका मुख्य सचिव मुहिउद्दीन वानीले भने, ’हामी उनीहरूलाई निराश पार्ने छैनौं र अपराधीहरूलाई खोज्नेछौं र उनीहरूलाई न्यायको कठघरामा ल्याउनेछौं ।’
उनले यो विद्यालयलाई पूर्वाधारका हिसाबले उत्कृष्ट विद्यालय हुने बताउँदै आगामी केही दिनभित्रै विद्यालयको पुनर्निर्माण गर्ने प्रतिबद्धता व्यक्त गर्दै उनले यस विद्यालयमा आईटी ल्याब, खेलकुद र पुस्तकालयको थप सुविधासमेत हुने बताए ।
’अब उपायुक्त, आयुक्त, डीआईजी र एसएसपी डायमेर र चिल्लाहरू केटीहरूको शैक्षिक संस्थाको संरक्षणको लागि जिम्मेवार हुनेछन्,’ अधिकारीले भने ।
उनले बालिका शिक्षामा असहिष्णु व्यवहारको कुनै ठाउँ नभएको र यस्ता गतिविधिमा संलग्नहरुलाई तत्काल कारबाही गरिनुपर्नेसमेत बताएका छन् ।