पोखरा अन्तरराष्ट्रिय एयरपोर्टको कमीकमजोरी ढाकछोप गर्न देश शोकाकुल रहेकै अवस्थामा चिनियाँ दवावमा प्रचण्डको मन्त्री परिषद गठन

194 Shares

काठमाडौं, ४ माघ । माघि संक्रान्तीको दिनमा पोखरामा भएको यति एयरलाइन्सको जहाज दुर्घटनाको कारण अझै खुलिसकेको छैन ।
प्रारम्भिक कारणमा पोखरामा हालै सञ्चालनमा आएको अन्तर्राष्ट्रिय विमानस्थल दुर्घटनाको कारण रहेको देखिएको छ । विमानस्थलको उद्घाटन अन्तर्राष्ट्रिय उडान बिना नै भएकाले प्रश्न यतिखेर उठेको हो । अन्तर्राष्ट्रिय मान्यता पाउनेमा नै शंका उब्जिएको छ । अन्तर्राष्ट्रिय मान्यता नपाएपछि आन्तरिक उडानमै सीमित रहने छ । पुरानै विमानस्थलबाट आन्तरिक उडान भइरहे पनि अन्तर्राष्ट्रिय भनेर हतार हतार सञ्चालनमा ल्याइएको विमानस्थलमा आन्तरिक उडान सिफ्ट गरिएको छ । विमानस्थलको सुरक्षाप्रति गम्भीर प्रश्न कायमै छ ।
यही बेला आन्तरिक हवाई उडानको सबैभन्दा ठुलो दुर्घटनामा मानवीय क्षति पनि धेरै भएकाले मुलुक नै शोकमा छ । पोखरा दुर्घटनाले विमानस्थलको कमजोरीको रहस्य खुल्न सक्ने भए पछि चिनियाँ राजदूतले यो मुद्दालाई डाइभर्ट गर्न रणनीतिक रुपमा हतार हतार मन्त्रिमण्डल विस्तार गर्न लगाएका छन् ।


सोमबार विहान प्रधानमन्त्री प्रचण्डलाई भेटेर चिनियाँ राजदूत चेन सोङले मन्त्रिपरिषद् विस्तार गर्न दबाब दिएका थिए । त्यसलगत्तै प्रधानमन्त्री प्रचण्ड एमाले अध्यक्ष केपी ओली निवास बालकोट पुगेका थिए । बालकोटमा पाँच घण्टा छलफल गरेर मन्त्रिमण्डलको भागवण्डा टुंग्याएका थिए । देशलाई शोकमा राखेर सत्ता गठबन्धनका नेताहरु दिनभर बसेर हतार हतार मन्त्रिमण्डल गरेका हुन् ।
चीनको ऋण सहयोगमा बनेको पोखरा अन्तर्राष्ट्रिय विमानस्थल पूर्णरुपमा तयार नहुँदै प्रचण्ड प्रधानमन्त्री बने लगत्तै चिनियाँ जोडबलमा हतार हतार उद्घाटन गरिएको थियो । विमानस्थलको सुरक्षा संयन्त्र बारे उद्घाटनकै बेला प्रश्न उठेको थियो ।
विमानस्थल उद्घाटनको दिन डेमो फ्लाइट गरेका यति एयरका वरिष्ठ पाइलट कमल केसीले पनि एयरपोर्टको मापदण्ड माथि प्रश्न उठाएका थिए । पुस ७ गते डेमो फ्लाइटपछि सञ्चारकर्मी सँग कुरा गर्दै पाइलट केसीले रनवे देखि भौगलिक कठिनाइ सम्म प्रश्न उठाएका थिए । ’अन्तर्राष्ट्रिय विमानस्थलमा त्यति डाँडाकाँडा हुँदैन । पोखरा वरपर डाँडाकाँडा छ । अरू एअरपोर्ट हेर्दा यहाँ अलिकति गाह्रो छ,’ उनले भनेका थिए, ’रनवेको लम्बाइ यहाँको छोटो छ । यहाँको ८ हजार जति फिट छ । बाहिर १० हजार जति हुन्छ । वरपरको डाँडाले गर्दा डिस्टर्ब छ । अलिकति गाह्रो छ ।’ एयरपोर्ट माथि प्रश्न उठाएका पाइलट केसीले आइतबार बिहान दुर्घटनामा परेर ज्यान गुमाए ।
पोखराको रिठ्ठे डाँडा काट्नुपर्ने बाँकी हुँदै हतार हतार अन्तर्राष्ट्रिय एयरपोर्ट चलाउँदा आलोचना भइरहेकै बेला जहाज दुर्घटना हुँदा विमानस्थल माथि देशभित्र आम जनता र अन्तर्राष्ट्रिय रुपमा प्रश्न उठिरहेका बेला चिनियाँ दबाबमा हतार हतारमा मन्त्रिमण्डल विस्तार गरेर ध्यान मोडिएको राजनीतिक विज्ञहरु बताउँछन् ।
त्यसमा पनि चीनले पोखरा एयरपोर्टलाई बीरआरआई अन्तर्गतकै परियोजना भनेर दाबी गरेकाले आशंका बढेको छ । चिनियाँ एक्जिम बैंकको महंगो ब्याजदरमा बनेको एयरपोर्ट बीआरआई अन्तर्गतकै परियोजनामा रुपान्तरण भए भोलिका दिनमा नेपाल श्रीलंका र पाकिस्तानको बाटोमा अग्रसर हुने चिन्ता राजनीतिक विज्ञहरुले गरेका छन् ।
दुर्घटनाबाट जोगियो अर्को जहाज
आइतबार यतिको जहाज भयानक दुर्घटनापछि अर्को जहाज पनि दुर्घटना नजिक पुगेको खुलेको छ । पोखरा अन्तर्राष्ट्रिय विमानस्थलमा अवतरणको क्रममा चरासँग जहाज ठोक्किएको थियो । तर, पाइलटले सकुशल अवतरण गराएका थिए । धावनमार्गमा मरेको चरालाई कुचोले बढारेर सफा गरिएको थियो ।

प्रतिक्रिया

सम्बन्धित समाचार

Terai Top एउटा समाचारमुखी प्लेटफर्म जस्तो देखिन्छ, जहाँ स्थानीय घटना, सामाजिक विषय, राजनीति, सुरक्षा, अपराध समाचार र दैनिक जीवनसँग जोडिएका अपडेटलाई प्राथमिकता दिइन्छ। यस्तो शैलीका सामग्री पाठकका लागि उपयोगी हुन्छन्, किनकि यहाँ सूचना केवल छिटो मात्र होइन, बुझ्न सजिलो तरिकाले प्रस्तुत गरिन्छ। यही कारणले डिजिटल सेवाहरू, नयाँ अनलाइन प्लेटफर्म र मनोरञ्जनसँग सम्बन्धित विषयमा पनि यस्तै स्पष्टता आवश्यक हुन्छ। अनलाइन मनोरञ्जनको क्षेत्रमा नयाँ क्यासिनो प्लेटफर्महरू लगातार देखा पर्छन्, तर सबै प्रस्ताव समान रूपमा भरपर्दा हुँदैनन्। Brandneue Online Casinos सम्बन्धी जानकारी हेर्दा बोनस, भुक्तानी विकल्प, लाइसेन्स, प्रयोगकर्ता अनुभव र निकासी प्रक्रियाजस्ता पक्षलाई ध्यान दिनुपर्छ refpolk.de. यसले नयाँ देखिने साइट साँच्चै उपयोगी छ कि केवल आकर्षक प्रचारमा सीमित छ भन्ने कुरा छुट्याउन सजिलो बनाउँछ। Terai Top को समाचार शैली र नयाँ अनलाइन क्यासिनोहरूको विषयबीच मुख्य समानता भनेको अद्यावधिक र स्पष्ट जानकारीको आवश्यकता हो। समाचार होस् वा डिजिटल मनोरञ्जन, सही निर्णयका लागि सतही दाबीभन्दा तथ्य, नियम र विश्वसनीयता बढी महत्त्वपूर्ण हुन्छ।