रौतहट, ५ माघ । विगत केही साता देखि निरन्तर रुपमा चलिरहेको शितलहरबाट प्रभावित बनेका सयौ पिडित जेष्ठ नागरिकहरुलाई नेपाल रेडक्रस सोसाइटी रौतहट शाखाबाट कम्बल वितरण गरिएको छ ।
जेष्ठ नागरिकहरुको पहिचान गरी घर÷घरमा गएर उनीहरुलाई कम्बल वितरण गरेको नेपाल रेडकास सोसाइटी रौतहट शाखाले जनाएको हो । रौतहटको विभिन्न पालिकाहरूमा रहेको सोसाइटीको उपशाखा मार्फत पीडितहरुको पहिचान गरी कम्वल वितरण गरिएको नेपाल रेडक्रस सोसाइटी रौतहट शाखाका सभापति राजकिशोर प्रसाद यादवले जानकारी दिए ।
जिल्लाको प्रत्येक उपशाखा मार्फत ५०÷५० जनाको दरले ६ सय जना शितलहरबाट प्रभावित जेष्ठ नागरिकहरुलाई कम्बल वितरण गर्नुका साथै गरुडा नगरपालिका मा रहेको बंशिराम जयसवाल अनाथालयमा ४४ वटा कम्बल वितरण गरिएको सभापति यादवले बताए ।
कटहरीया, परोहा, बौधिमाई, राजपुर फरहदवा, राजदेवी, फतुवा विजयपुर लगायतका नगरपालिकाहरुमा शितलहर पीडितहरुलाई राहत वितरण गरिएको सभापति बताए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन