बेइजिंग, एजेन्सी । कोभिड–१९ को चरम प्रकोप झेल्दै आएको चीनमा समाधिस्थल र शवदाह गृहमा मानिसहरुको ठूलो भिडभाड देखिएका छन् ।
भू उपग्रहले लिएका तस्वीरमा चीनका मुख्य सहरमा रहेका दाहसंस्कार गर्ने समाधिस्थल र शवदाहगृहमा मानिसहरुको ठूलो भिडभाड लागेको दृष्यहरु देखिएका हुन् ।
अमेरिकी अखबार वाशिंटन पोस्टका अनुसार चीनको बेइजिङ, चेङ्दु, कुन्मिङ, नानजिङ जस्ता सहरमा अन्तिम संस्कार गर्ने स्थानमा भिडभाड देखिएको हो । यसअघि चेङ्दु सहरमा रहेको एउटा शवदाहगृहले भिडभाडका कारण हरेक परिवारलाई मृतकको अन्तिम संस्कार गर्न केबल २ मिनेटको समय दिने गरेको समाचार सार्वजनिक भएको थियो ।
नका केही स्थानमा रहेका शवदाहगृहमा मानिसहरुको चाप बढेपछि अन्तिम संस्कार गर्न लाग्ने शुल्क पनि बढेर ३ सय डलरसम्म पुगेको बताइएको छ । अमेरिकी भू उपग्रह कम्पनी मक्सार टेक्निोलोजीले जारी गरेको तस्वीरमा शवदाहगृहमा मानिसहरुको गतिविधि पछिल्लो समय ह्वात्तै बढेको देख्न सकिन्छ । यसबाहेक समाधिस्थलमा काम गर्ने कर्मचारीहरुले पनि सामाजिक सञ्जालमा आफ्नो कार्यस्थलमा मानिसहरुको गतिविधि ह्वात्तै बढेको जनाएका छन् ।
पछिल्लो समय चीनले कठोर शून्य कोभिड नीति खुकुलो पारेपछि त्यहाँ कोरोना भाइरसको प्रकोप बढेको बताइएको छ । यद्यपि चीनले भने यस प्रकोपबाट मृत्यु भएका मानिसहरुको भरपर्दो तथ्यांक सार्वजनिक गर्ने गरेको छैन । यसअघि विश्व स्वास्थ्य संगठनले चीनलाई कोरोना प्रकोपबारे विश्वासिलो तथ्यांक सार्वजनिक गर्न आग्रह गरेको थियो । एजेन्सी ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन