पेसावर, १६ माघ । पाकिस्तानको पेसावर सहरको एक मस्जिदमा नमाज पढ्ने क्रममा बम विस्फोट हुँदा कम्तीमा १७ जनाको मृत्यु भएको छ ।
पेसावरको लेडी रिडिङ अस्पतालका प्रवक्ता डा आजमका अनुसार प्रहरी लाइन मस्जिदमा सोमबार दिउँसो नमाजको समयमा भएको विस्फोटमा मृत्यु हुनेको संख्या १७ पुगेको हो ।
मृत्यु हुनेमा प्रहरी पनि रहेको उनले बताए । प्रवक्ताका अनुसार यस विस्फोटमा करिब ७० जना घाइते भएका छन् जसमध्ये १० जनाको अवस्था गम्भीर छ ।
आजमका अनुसार लेडी रिडिङ अस्पतालको अवस्थालाई ध्यानमा राखेर आपत्काल लागू गरिएको छ । पाकिस्तानका विदेश मन्त्री बिलावल भुट्टो जर्दारीले आक्रमणको निन्दा गर्दै आतंकवाद र यसका सहयोगीहरूलाई कडाइका साथ कारबाही गरिने बताए । बिलावल भुट्टो जरदारीले एक विज्ञप्तिमा भने, ‘नेशनल एक्सन प्लान नै आतंककारीहरूको उपचार हो, यसलाई कडाइका साथ लागू गरिनेछ । पीपीपी कार्यकर्ता र अधिकारीहरूले रक्तदान गरेर घाइतेहरूको जीवन बचाउनु पर्छ ।’
पेसावर विस्फोटबारे पाकिस्तानका पूर्व प्रधानमन्त्री तथा पिटिआई अध्यक्ष इमरान खानले भने, ‘पेसावर पुलिस लाइन्सको मस्जिदमा भएको विस्फोटको कडा निन्दा गरे । पीडितका परिवारप्रति समवेदना जनाए ।’ एजेन्सी ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन