राष्ट्रिय सभा उपाध्यक्षको उम्मेदवार तय गर्ने

162 Shares

काठमाडौं, १९ माघ । राष्ट्रिय सभा उपाध्यक्षको उम्मेदवार तय गर्ने विषयमा छलफल गर्न नेपाली कांग्रेसको संसदीय दल कार्य समितिको बैठक आज बस्दै छ ।
संसदीय दलको कार्यसमितिमा संसदीय दलका नेता, प्रमुख सचेतक र महामन्त्री रहने व्यवस्था छ । नेपाली कांग्रेसका प्रमुख सचेतक रमेश लेखकले राष्ट्रिय सभा उपाध्यक्षको उम्मेदवारको विषयमा छलफल गर्न बैठक बस्न लागेको जानकारी दिए ।
माघ २३ गते बस्ने राष्ट्रिय सभाको बैठकबाट उपाध्यक्ष चयन गरिंदैछ । तत्कालीन उपाध्यक्ष शशीकला दाहालको कार्यकाल २०७८ फागुन २० गते सकिएको थियो ।
देवशिला अयोध्या पुग्यो
अयोध्या (भारत), १९ माघ । नेपालको कालिगण्डकी नदीबाट उत्खनन गरिएको देवशिला गए राति भारतको उत्तर प्रदेश स्थित अयोध्या पुगेको छ ।
यही माघ १२ गते म्याग्दीको बेनी नगरपालिका वर्डा नं. ६ ठूलो पहिरो स्थित कालिगण्डकी नदी किनारबाट निकालिएको शिला सहितको टोली माघ १६ गते जनकपुरधामबाट अयोध्याका प्रस्थान गरेकामा दुई दिनपछि यहाँ पुगेको हो ।
अयोध्या प्रवेशसँगै श्रीराम जन्मभूमि तीर्थ क्षेत्र ट्रस्टका महासचिव चंपत रायले नेपाली प्रतिनिधिमण्डलको नेतृत्व गर्दै शिला ल्याएर यहाँ आइपुगेका जानकी मन्दिरका महन्थ रामतपेश्वर दास, नेपाली कांग्रेसका नेता एवं पूर्व उपप्रधानमन्त्री विमलेन्द्र निधिसहितको टोलीलाई भव्य स्वागत गरे ।
शिलालाई बुधबार नै यहाँस्थित राम सेवकपुरममा राखिएको छ भने आज बिहान विशेष समारोहबीच श्रीराम जन्मभूमि तीर्थ क्षेत्र ट्रस्टलाई हस्तान्तरण गर्ने कार्यक्रम रहेको जानकी मन्दिरका महन्थ दासले जानकारी दिए ।

सम्बन्धित समाचार