सर्लाही, १९ माघ । सर्लाहीको हरिपुर नगरपालिका वर्डा नं. ५ का वडाध्यक्ष सुरेन्द्रप्रसाद चौधरी आफै सूचकमा बसेर ५ जना मुसहर बालबालिकाहरुलाई जन्मदर्ता बनाइदिएका छन् ।
आफ्ना बाबु, आमाको नागरिकता नभएकाले वडाध्यक्ष चौधरीले सूचकमा बसेर मुसहर बालबालिकाहरुलाई जन्मदर्ता उपलब्ध गराएका हुन् ।
बाबु, आमाको नागरिकता नभएकै कारण उनीहरुले जन्माएको छोरा, छोरीलाइ जन्मदर्ता विहीन हुनुपरेको छ । आफ्नो वडामा कोही बालबालिका जन्मदर्ता विहीन हुन् नपरोस् भनी आफै सूचक बसेर जन्मदर्ता दिलाएको वडाध्यक्ष चौधरीले बताए ।
हरिपुर नगरपालिका वर्डा नं. ५ मजुर्वाका रामविश्वास माझी र गोलहीया कुमारीको कोखबाट २०७४ सालदेखि जन्मिएका चार सन्तानको एकसाथ जन्मदर्ता जारी गरेका छन् । २०७४ जेठ ३ गते जन्मिएको छोरा निरज माझी, उनीहरुकै कोखबाट २०७६ वैशाख ५ गते जन्मिएकी छोरी अमरिका माझी, २०७७ वैशाख ५ गते जन्मिएको छोरा निरञ्जन कुमार माझी र २०७८ असोज ५ गते जन्मिएकी सचिताकुमारी माझी र मजुर्वाकै उपेन्द्र माझी र सिकिलिया माझीकी छोरी रानीकुमारी माझीको जन्मदर्ता बनाइएको छ ।

बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन