ढाकां, २३ माघ । बंगलादेशको ढाकामा भइरहेको साफ यू–२० महिला च्याम्पियन सिपमा नेपालले फाइनलमा स्थान बनाउन लिगको अन्तिम खेलमा भारतलाई हराउनुपर्ने भएको छ ।
च्याम्पियनसिप अन्तर्गत आइतबार भएको खेलमा नेपालले भुटानलाई ४–० ले हराएर पहिलो जित निकालेको थियो ।
अहिले सम्म सहभागी चारै टिमले २÷२ खेल खेलेपछि भारत ४ अंकसहित शीर्ष स्थानमा छ । उति नै अंक रहेको घरेलु टोली बंगलादेश दोस्रो स्थानमा छ । समान अंक भए पनि भारत गोलअन्तरमा अघि रहेको हो ।
नेपालले १ जित र १ हारबाट ३ अंकसहित तेस्रो स्थानमा छ । नेपालको पहिलो खेलमा बंगलादेशसँग ३–१ ले पराजित भएको थियो । लगातार दुई खेलमा पराजित भुटान भने फाइनल होडबाट बाहिरिसकेको छ । अब बाँकी तीन टिममध्ये दुई टिम फाइनल पुग्नेछ । त्यसमा पनि भारत र बंगलादेश दाबेदारको रुपमा छ । बंगलादेशले अन्तिम खेल भुटानसँग खेल्ने भएकोले सहज अवस्थामा छ ।
भारतसँग बराबरी वा हारले पनि नेपाल लिगबाटै बाहिरिनेछ । त्यसैले नेपालले फाइनलमा स्थान बनाउन भारतलाई हराउनैपर्ने छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन