झुनखुनवा चोकबाट गएराति अन टेष्ट मोसा चोरी

तराई टप संवाददाता
रौतहट, १६ वैशाख । रौतहटको यमुनामाई गाउँपालिकाको झुनखुनवा चोकबाट बुधवार राति मोटरसाइकल चोरी भएको छ ।
गौर चन्द्रपुर सड्क खण्डमा पर्ने यमुनामाई गाउँपालिकाको वडा नम्वर ५ झुनखुनवा चोक गएराति ९ बजेको समयमा नेपाली नम्वर अनटेष्ट अपाचे मोटरसाइकल चोरी भएको हो । स्थानीय अमरुद्दिन आलम पसल अगाडी पाकिंग गरेर सामान किन्न पसलमा गएको तर फर्किदा मोटरसाइकल थिएन ।
आलमले शिवनगर स्थित जय वावा विश्वकर्मा इन्टरप्राइजेजबाट चैत्र २४ गते मोटरसाइकल किनेका थिए । तर सामान किन्न जाँदा उक्त मोटरसाइकल चोरी भएका पिडितले बताए । पिडितले मोटरसाइकल खोजतलास गरिदिनका लागि जिल्ला प्रहरी कार्यालय गौरमा उजुरी दिएको बझिएको छ ।