सर्लाही, २५ माघ । सर्लाहीको बागमतीमा बुधबार बाट ७ औँ राजर्षि जनक कप फुटबल प्रतियोगिता सुरु हुँदै छ ।
मधेश प्रदेश सर्वाधिक राशीको यस प्रतियोगिताको उद्घाटन खेलमा आज सशस्त्र प्रहरीको एपिएफ क्लब र जावलाखेल फुटबल क्लबले खेल्दै छन् । दिउँसो ३ बजे पछि सुरु हुने छ ।
प्रतियोगिताको उद्घाटन दिउँसो एक समारोहका बीच उपप्रधान तथा भौतिक पूर्वाधार मन्त्री नारायणकाजी श्रेष्ठले गर्नु हुने छ ।
बागमती नगरपालिकाको सहयोगमा आयोजित यस प्रतियोगितामा आयोजक बागमती युवा क्लबसहित १२ वटा क्लबको सहभागिता रहेको छ । प्रतियोगितामा यूनाइटेड किङ्गडम फूटवल क्लव दार्जेलिङ, संकटा क्लव, नेपाल पुलिस क्लब, एपीएफ क्लब, जावलाखेल यूथ क्लब, चर्च व्वाइज यूनाइटेड, सुदूरपश्चिम–११, मच्छिन्द्र फूटवल क्लब, धरान यूवा क्लव, जन–जागृति युवा क्लब सीमरा र प्रतियोगिताको साबिक बिजेता पिप्ले यूथ क्लब हेटौँडाले सहभागिता जनाउने आयोजक बागमती युवा क्लबका अध्यक्ष किस्मतराज मैनालीले जानकारी दिए ।
फागुन ७ गतेसम्म संचालन हुने यस प्रतियोगिताको बिजेताले १० लाख र उपबिजेताले पाँच लाख रुपैयाँ नगद पुरस्कार प्राप्त गर्ने छन् ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन