काठमाडौं, २५ माघ । नेपाल चिकित्सक संघको अध्यक्ष लोकतान्त्रिक समूहका डा. अनिलविक्रम कार्की ३ हजार ५ सय ३७ मतको साथ विजयी भएको छ ।
अध्यक्षको अर्को उम्मेदवार प्रगतिशील समूहका डा. सन्तोष पौडेलले २ हजार २ सय २३ र स्वतन्त्र उम्मेदवार डा. शिवजीविक्रम सिलवालले २ सय ९० मत प्राप्त गरेको हो ।
मतगणना अनुसार १ जना सदस्य बाहेक लोकतान्त्रिक समूहको प्यानल विजय भएको छ । महासचिवमा लोकतान्त्रिक समूहकै डा. सञ्जीव तिवारी २ हजार ९ सय १८ मतका साथ विजय भएका छन् । उनका निकटतम प्रतिद्वन्द्वी डा. अमृत भुसाल १ हजार ५ सय ४१ मत ल्याएर भने अर्की उम्मेदवार डा. रक्षा श्रेष्ठले भने १ हजार ५ सय ५ मत ल्याएकी छिन् ।
मधेस प्रदेशको उपाध्यक्षमा डा. निरजकुमार सिंह ३०८१ मतका साथ विजयी बने । उनका निकटतम प्रतिद्वन्द्वी डा. महेश महासेठले १५७४ मत पाए भने अर्का उम्मेदवार डा. अजयकुमार मिश्रले ११२४ मत ल्याए ।
बागमती प्रदेशको उपाध्यक्षमा डा. प्रकाश बुढाथोकीले ५३५३ मतका साथ विजय हासिल गरेको छ । उनका प्रतिस्पर्धी डा. सञ्जय ठाकुरले २ हजार २ सय १४ मत ल्याए ।
गण्डकी प्रदेशमा डा. राजन शर्माले ३३२२ मतका साथ विजयी बने भने उनका प्रतिस्पर्धी डा. विकास गौचन २३९० मत ल्याए । यस्तै, सुदूरपश्चिम प्रदेशको उपाध्यक्षमा डा. प्रशान्त भट्ट ३३५९ मतका ल्याएर विजयी भए भने उनका प्रतिद्वन्द्वी डा. निरज अर्याल २३०८ मत ल्याए ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन