विरगञ्ज, ९ फगुन । अबैध रुपमा भारतबाट भन्सार छलेर भित्रयाइएको समान सहितको सवारी साधनलाइ पर्सा प्रहरीले नियन्त्रणमा लिएको छ ।
विरगञ्ज महानगरपालिका वर्डा नं. २५ सिर्सिया स्थित सडकखण्डबाट ना ५ ख ५४९४ ट्याक्टर र ना ३ ख १०२४ नम्बरको मालवाहक ट्रक नियन्त्रणमा लिएको हो ।
बिल विजक भन्दा बढी स्टेशनरी तथा खुद्रा सामान बोकेको ट्रक र ट्याक्टर वीरगञ्जबाट काठमाण्डौतर्फ जाँदै गरेको अवस्थामा ट्रक र ट्याक्टरलाई नियन्त्रणमा लिएको जिल्ला प्रहरी कार्यालय पर्साले जनाएको छ ।
फागुन ५ गते नियन्त्रणमा लिएको सामान सहितको ट्रक र टयाक्टर राजश्व अनुसन्धान कार्यालय पथलैया बारामा बुझाइएको छ ।
बिल विजक भन्दा बढी मालवस्तुहरू लोड रहेको र भएका बिल विजक पनि शंकास्पद देखिएकोले सामानसहित ट्रक र टयाक्टर नियन्त्रणमा लिएर राजश्व अनुसन्धान कार्यालयलाई बुझाइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक दीपक गिरीले जानकारी दिए ।
बरामद गरिएको सामानसहितको ट्रक र ट्याक्टरको मूल्य अन्दाजी ९२ लाख ४८ हजार ८ सय २२ कायम गरिएको प्रहरीले जनाएको छ । प्रहरीले भन्सार छलेर सामान बोकेको आशंकामा वीरगञ्जबाट ट्रक र ट्याक्टर नियन्त्रणमा लिएको छ ।
बजार व्यवसायलाई चलायमान बनाउन गौरमा मंसिर ६ देखि ‘रौतहट एक्सपो २०८३’, लण्डन ब्रिज र जलपरी मुख्य आकर्षण
गौर आँखा अस्पतालद्वारा मौलापुरमा निःशुल्क आँखा शिविर, ३२६ जनाको परीक्षण, ७६ जना शल्यक्रियाको लागि छनौंट
उमेर हद खारेजीको माग गर्दै विगत १८ दिन देखि आन्दोलनरत वागमती सिंचाई आयोजनाका कर्मचारी प्रति राज्य उदाशिन