गुडिरहेको सिमेन्टको ट्रकमा आगलागी

तराई टप संवाददाता
वारा, २१ वैशाख । बाराको सिम्रौनगढ तर्फ आउदै गरेका एक मालवाहक ट्रकमा आगलागी भएको छ ।
हेटौडाबाट सिमेन्ट लोड गरेर बाराको सिम्रौनगढ तर्फ आउँदै गरेको ना.४ ख. ९५९८ नम्बरको ट्रकमा कोल्हवी नगरपालिका ४ तामागढी कोल्हवी सडक खण्डमा आज विहान ९.१५ मिनेटमा आगलागी भएका थिए ।
आगलागीबाट करिब २ लाख ५६ हजार मूल्यको सिमेन्ट ४ सय २० बोरा र १५ लाख ४४ हजारको ट्रकमा क्षति पुगेको छ । ट्रकको पछाडिको चक्का पड्किएर अचानक आगलागी भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए । इलाका प्रहरी कार्यालय निजगढ, अस्थायी प्रहरी पोष्ट झुरझुरबाट ११ जना प्रहरी टोली र दुईवटा दमकलको सहयोगमा ९ः४५ बजे आगो नियन्त्रणमा लिएको समेत जानकारी उनले दिए ।